नाशिक (इंडिया दर्पण वृत्तसेवा) – अंबड औद्योगिक वसाहती मधील चुंचाळे शिवार घरकुल योजना इमरातीमध्ये चौथ्या मजल्यावरून पडून एका युवकाचा दुर्दैवी मृत्यू झाला. रविवारी अकरा वाजेच्या दरम्यान ही घटना घडली. आंबड पोलीस ठाण्यामध्ये अकस्मात मृत्यूची नोंद करण्यात आली आहे.
या बाबत सविस्तर माहिती अशी की, दिनेश सिध्दार्थ आहीरे (३७) हा युवक इमारतीच्या चौथ्या मजल्यावर राहत होता. चौथ्या मजल्यावर चेंबर जवळ काही कामानिमित्ताने चढला. त्यानंतर तोल जाऊन तो थेट चेंबरमध्ये पडला. या अपघातात त्याच्या डोक्याला गंभीर दुखापत झाली. त्याला जखमी अवस्थेत शासकीय रुग्णालयात नेण्यात आले. येथे वैद्यकीय अधिकाऱ्यांनी तपास करून त्याला मृत घोषित केले.
त्याच्या पश्चात तीन मुली आणि एक मुलगा आहे. आई-वडिलांचा भाजीपाल्यांचा धंदा आहे. तो ड्रायव्हर म्हणून एका खासगी कंपनीत कामाला होता. यापूर्वीही येथे अशाच चेंबरमध्ये पडून दुर्घटना घडल्या आहेत. आतापर्यंत येथे दोन ते तीन जणांचा मृत्यू झाला असल्याचे सांगण्यात आले. महानगर पालिकेने या चेंबर वर जाळ्या बसविल्या असत्या तर असे अपघात टळाले असते या पुढे अशा दुर्घटना होऊ नये म्हणून महानगर पालिकेने वरील चेंबरवर त्वरित जाळ्या बसवाव्यात अशी मागणी येथील स्थानिकांनी केली आहे.
nashik city Chinchale Youth Death
