नाशिक (इंडिया दर्पण वृत्तसेवा) – नाशिकमध्ये लवकरच केंद्रीय अन्वेषण ब्युरो अर्थात सीबीआयचे कार्यालय सुरू होणार आहे. महाराष्ट्र सरकारच्यावतीने कार्यरत असलेले लाचलुचपत प्रतिबंधक विभाग (एसीबी) आणि सीबीआयचे अधिकारी यांनी आज संयुक्त पत्रकार परिषद घेऊन यासंदर्भातील माहिती दिली आहे. लाच देणे आणि घेणे हा गुन्हा असून यासंदर्भात बिनधास्त तक्रार करावी. त्याची तत्काळ दखल घेऊन योग्य ती कार्यवाही केली जाईल, असे सांगण्यात आले आहे. सीबीआयचे पोलिस निरीक्षक रणजित कुमार पांडे हे नाशिकचे कामकाज पाहणार आहेत. सद्यस्थितीत सीबीआयचे कार्यालय मुंबई येथे आहे. तेथूनच कामकाज सुरू आहे. मात्र, लवकरच नाशिकमध्येही सीबीआयचे कार्यालय सुरू होणार असल्याचे पांडे यांनी सांगितले आहे.
एसीबी किंवा सीबीआयकडे तक्रार देण्यासाठी खालील हेल्पलाईनशी संपर्क करावा, असे आवाहन करण्यात आले आहे.
