नाशिक : भरधाव मालट्रकच्या धडकेत दुचाकीस्वाराचा मृत्यू झाला. हा अपघात दिंडोरीरोडवरील भारत गॅस एजन्सी भागात झाला. याप्रकरणी पंचवटी पोलीस ठाण्यात अपघाताची नोंद करण्यात आली असून पोलीसांनी ट्रक चालकास अटक केली आहे.
उमेश फुलचंद मिश्रा (रा.फुलेनगर,पेठरोड) असे अटक करण्यात आलेल्या ट्रक चालकाचे नाव आहे. याबाबत ओमकार तायडे (रा.उदय कॉलनी,मखमलाबादरोड) यांनी फिर्याद दिली आहे. या अपघातात योगेश नाना खैरणार (३० रा.शितळादेवी मंदिराजवळ,नानावली) यांचा मृत्यू झाला. योगेश खैरणार रविवारी (दि.१) रात्री साडे नऊ वाजेच्या सुमारास दिंडोरीरोडने पंचवटी कारंजाच्या दिशेने आपल्या (एमएच १५ जीए ९७८८) दुचाकीवर प्रवास करीत असतांना हा अपघात झाला.
कृषी उत्पन्न बाजार समितीतून शेतमाल घेऊन भरधाव जाणाºया आयशर ट्रक क्रमांक (एमएच १५ जेसी ६६८०) ने दुचाकीस धडक दिली. हा अपघात भारत गॅस आॅफिससमोर झाला. या अपघातात दुचाकीचालक पुढच्या चाकाखाली सापडून जागीच ठार झाले. अपघातानंतर आयशर चालकास पोलीसांनी ताब्यात घेतले असून अधिक तपास सहाय्यक निरीक्षक रायकर करीत आहेत.
……….
