नाशिक (इंडिया दर्पण वृत्तसेवा)- भरधाव चारचाकीने दिलेल्या धडकेत ३२ वर्षीय दुचाकीस्वार ठार झाला. हा अपघात छत्रपती संभाजीनगर रोडवरील अंदरसूल वैजापूर मार्गावर झाला होता. याप्रकरणी उपनगर पोलीस ठाण्यात मृत्यूची नोंद करण्यात आली आहे.
रजाक राजूखान पठाण (३२ रा. इंदिरानगर झोपडपट्टी,राहूल बाग नाशिकरोड) असे मृत दुचाकीस्वाराचे नाव आहे. पठाण गेल्या ३० एप्रिल रोजी दुपारी अंदरसूल ता. येवला येथून वैजापूरच्या दिशेने दुचाकीवर प्रवास करीत असतांना हा अपघात झाला होता. वैजापूर परिसरात भरधाव चारचाकीने दुचाकीस धडक दिल्याने पठाण गंभीर जखमी झाला होता. स्थानिक ठिकाणी प्रथमोपचार करून त्यास नाशिकरोड येथील अ‍ॅश्युर्ड प्लस हॉस्पिटल येथे हलविण्यात आले होते.
बुधवारी (दि.२८) उपचार सुरू असतांना डॉ. अग्रवाल यांनी तपासून त्यास मृत घोषीत केले. याबाबत डॉ. नवनीत पवार यांनी दिलेल्या खबरीवरून मृत्यूची नोंद करण्यात आली असून अधिक तपास जमादार शेळके करीत आहेत.
