नाशिक (इंडिया दर्पण वृत्तसेवा)- भरधाव खासगी बसने धडक दिल्याने दुचाकीस्वार ठार झाला. हा अपघात पाथर्डी फाटा भागात झाला. या अपघातात अन्य एक तरूण जखमी झाला असून त्याच्यावर उपचार सुरू आहेत.
पोलीसांनी दिलेल्या माहितीनुसार ऋषीकेश गायधनी असे मृत दुचाकीस्वाराचे नाव आहे. पळसे ता.जि.नाशिक येथील ऋषीकेश गायधनी व वैभव गायधनी हे दोघे मित्र मंगळवारी (दि.१९) वडनेर पाथर्डी रोडने आपल्या दुचाकीवर एमएच १५ जीव्ही ०३३१ डबसिट प्रवास करीत असतांना हा अपघात झाला.
ज्ञानेश्वर नगर येथील हॉटेल स्पायसी तडका समोर पाठीमागून भरधाव आलेल्या एमएच १५ जीव्ही ५७९६ या बसने अचानक पाथर्र्डी फाट्याच्या दिशेने वळण घेतल्याने हा अपघात झाला. दुचाकीस धडक देत बस वळविण्यात आल्याने दोघे मित्र रस्त्यावर पडले होते. या घटनेत बसचे चाक ऋषीकेश गायधनी याच्यावरून गेल्याने त्याचा जागीच मृत्यू झाला असून वैभव गायधनी गंभीर जखमी झाला आहे. अधिक तपास हवालदार पवार करीत आहेत.
