नाशिक (इंडिया दर्पण वृत्तसेवा) -बळीमंदिर ते म्हसरूळ मार्गावर भरधाव दुचाकी घसरल्याने ५२ वर्षीय महिलेचा मृत्यू झाला. लोकमान्य हॉस्पिटल येथे मृत महिलेवर उपचार सुरू होते. याप्रकरणी म्हसरूळ पोलीस ठाण्यात मृत्यूची नोंद करण्यात आली आहे.
सुवर्णा संजय सोनवणे (रा.प्रथमेश अपा.औदुंबरनगर,म्हसरूळ) असे मृत महिलेचे नाव आहे. सोनवणे या गेल्या शनिवारी (दि.२६) सकाळच्या सुमारास बळीमंदिर भागात गेल्या होत्या. आपल्या दुचाकीने त्या घराकडे परतत असतांना हा अपघात झाला होता. म्हसरूळच्या दिशेने त्या प्रवास करीत असतांना औदूंबर लॉन्स भागात भरधाव दुचाकी घसरल्याने त्या गंभीर जखमी झाल्या होत्या मुलगा सागर सोनवणे यांनी त्यांना तातडीने नजीकच्या लोकमान्य हॉस्पिटल मध्ये दाखल केले होते.
उपचार सुरू असतांना बुधवारी डॉ.ओमकार गवळी यांनी त्यांना तपासून मृत घोषीत केले. अधिक तपास हवालदार जगताप करीत आहेत.
