मुंबई (इंडिया दर्पण वृत्तसेवा)- मुंबई – नाशिक महामार्गावर शनिवारी रात्री दहा वाजता कार व कंटेनरचा अपघात झाला. या अपघातात चार जण किरकोळ जखमी झाले.
मुंबईकडून नाशिककडे जात असताना मुंढे गाव जवळ कंटेनरने कारला मागून जोरदार धडक दिली. या धडकेत कारमधील चार जण जखमी झाले. या अपघातानंतर कंटेनर चालक पसार झाला.
या अपघातातील वाहन कार क्रं MH.01.BR.9099 हा आहे. या अपघातात राहुल जाधव (३२), संतनु धोंगडे (२८) रा. पाथर्डी फाटा, पंकज घोडके (५२), मिनल घोडके (२७) रा. इंदिरा नगर नाशिक हे जखमी झाले आहे.
या अपघाताची माहिती फोनवर मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत अॅम्बुलन्स लगेचच अपघातस्थळी पोहोचली व त्या जखमींला तात्काळ वाडिव-हे खासगी हॉस्पिटलमध्ये दाखल केले. जगद्गुरू नरेंद्राचार्य महाराज संस्थानाच्या गोंदे फाटा येथे सदैव अपघातग्रस्तांसाठी कार्यरत असणारी मोफत रुग्णवाहिका सेवेने तातडीने रुग्णांना दाखल केले.
