नाशिक – भरधाव कंटेनरने धडक दिल्याने दुचाकीस्वार ठार झाला. हा अपघात घटना तारवाला नगर सिग्नल ते अमृतधाम लिंकरोड भागीतील विहान हॉटेल परिसरात झाला. याप्रकरणी पंचवटी पोलीस ठाण्यात अपघाताचा गुन्हा दाखल करण्यात आला असून कंटेनर चालकास पोलीसांनी अटक केली आहे.
पोलिसांनी दिलेल्या माहितीनुसार, दिपक विलास चव्हाण (३५ रा.शरयू पार्क,जत्रा हॉटेल जवळ) असे अपघातात ठार झालेल्या दुचाकीस्वाराचे नाव आहे. चव्हाण सोमवारी (दि.६) रात्री तारवाला नगर सिग्नल कडून अमृतधामच्या दिशेने आपल्या पॅशन प्रो एमएच १५ एफएच ०२५६ दुचाकीवर प्रवास करीत असतांना हा अपघात झाला. विहान हॉटेल परिसरातील पुलावर समोरून अमृतधामकडून भरधाव येणाºया डीएन ०९ आर ९७९९ कंटेनरने दुचाकीस धडक दिली. त्यात दुचाकीस्वार दिपक चव्हाण याचा जागीच मृत्यु झाला.याप्रकरणी पंचवटी पोलीस ठाण्यात गुन्हा दाखल करण्यात आला असून अधिक तपास उपनिरीक्षक पटारे करीत आहेत.
