नाशिक (इंडिया दर्पण वृत्तसेवा) – बारामती येथे १६ ते १८ ऑगस्ट २०२४ दरम्यान संपन्न झालेल्या महाराष्ट्र राज्य वेटलिफ्टिंग स्पर्धेत मनमाड येथील जय भवानी व्यायामशाळेच्या खेळाडूंनी विविध वजनी गटात नाशिक जिल्ह्याचे प्रतिनिधीत्व करीत स्पृहणीय यश संपादन केले आहे.
६४ किलो वजनी गटात पूजा राजेश परदेशी हिने ८२ किलो स्नॅच व १०१ किलो क्लीन जर्क असे १८३ किलो वजन उचलून सीनियर मुलींमध्ये चुरशीच्या लढतीत सुवर्णपदक पटकावले. तर ८१ किलो वजनी गटात आनंदी विनोद सांगळे हिने ८० किलो स्नॅच ९४ किलो क्लीन जर्क १७४ किलो वजनी उचलून यूथ मध्ये सुवर्णपदक व ज्युनियर मुलींमध्ये रौप्यपदक पटकावले.
या स्पर्धेत दिव्या उपेंद्र सोनवणे हिने ४० किलो वजनी गटात ४५ किलो स्नॅच ५२ किलो क्लीन जर्क ९७ किलो वजन उचलून रौप्यपदक पटकावले. ४५ किलो वजनी गटात विनाताई संतोष आहेर हिने ६१ किलो स्नॅच ७८ किलो क्लीन जर्क १३९ किलो वजन उचलून ज्युनियर मुलींमध्ये रौप्यपदक तर ४९ किलो वजनी गटात मेघा संतोष आहेर हिने ६१ किलो स्नॅच ८१ किलो क्लीन जर्क १४२ किलो वजन उचलून ज्युनियर मुलींमध्ये रौप्यपदक मिळवले.
वैष्णवी आतिश शुक्ला हिने ४९ किलो यूथ मध्ये ५३ किलो स्नॅच ६२ किलो क्लीन जर्क ११५ किलो वजन उचलून रौप्यपदक पटकावले. करुणा रमेश गाढे श्रावणी विजय पुरंदरे पूर्वा दिपक मौर्य श्रेया वाल्मीक सोनार यांनी स्पर्धेत उत्कृष्ट कामगिरी बजावली. यशस्वी खेळाडूना मनमाड येथील छत्रे विद्यालयाचे क्रीडा प्रशिक्षक प्रवीण व्यवहारे आंतरराष्ट्रीय प्रशिक्षक तृप्ती पाराशर यांचे मार्गदर्शन लाभले आहे. जय भवानी व्यायामशाळेचे अध्यक्ष डॉ विजय पाटील मोहन अण्णा गायकवाड डॉ सुनील बागरेचा प्रा दत्ता शिंपी छत्रे विद्यालयाचे अध्यक्ष पी जे दिंडोरकर संचालक नाना कुलकर्णी प्रसाद पंचवाघ मुख्याध्यापक आर एन थोरात उपमुख्याध्यापक संदीप देशपांडे पर्यवेक्षिका सौ पोतदार महाराष्ट्र वेटलिफ्टिंग संघटनेचे सचिव संतोष सिंहासने अध्यक्ष सुधीर म्हाळसकर यांनी अभिनंदन केले व पुढील स्पर्धेसाठी शुभेच्छा दिल्या.
