नाशिक (इंडिया दर्पण वृत्तसेवा)- नरेडको नाशिकच्या ११ व्या कार्यकारिणी समितीची महत्त्वपूर्ण बैठक यशस्वीरित्या पार पडली. या बैठकीस अजित दान, अतिरिक्त आयुक्त, सीजीएसटी आणि केंद्रीय उत्पादन शुल्क, विशेष अतिथी म्हणून उपस्थित राहिले. त्यांच्या उपस्थितीमुळे बैठकीला विशेष महत्त्व प्राप्त झाले.
या बैठकीत विविध धोरणात्मक विषयांवर चर्चा झाली, तसेच रिअल इस्टेट क्षेत्राशी संबंधित कर प्रणाली, जीएसटी संदर्भातील मुद्दे, आणि विकासाच्या संधी याविषयी अजित दान यांनी सखोल मार्गदर्शन केले. त्यांनी नरेडकोच्या सदस्यांशी थेट संवाद साधत त्यांच्या अडचणी जाणून घेतल्या आणि प्रशासनाच्या पातळीवर सहकार्याची ग्वाही दिली.
नरेडको नाशिकचे अध्यक्ष सुनील गवादे, सचिव शंतनु देशपांडे, कोषाध्यक्ष भूषण महाजन, मार्गदर्शक जयेश ठक्कर तसेच सर्व कार्यकारिणी सदस्यांनी अजित दान यांचे स्वागत करत त्यांचे मन:पूर्वक आभार मानले. या बैठकीस नरेडको कार्यकारिणी समितीचे ३० सदस्य तसेच आयसीएआय (CA) नाशिक शाखा अध्यक्ष, जिंतेंद्र फापड, खजिनदार, विशाल वाणी. सनदी लेखापाल अनिल कोठावदे, पुष्कर डास व नरेडको पॅनलचे तुषार लोखंडे (CA) यांनी सहकार्य केले.
नरेडको नाशिक नेहमीच प्रशासनाशी सकारात्मक संवाद साधून नाशिक शहराच्या आणि उद्योगाच्या प्रगतीसाठी कार्यरत राहणार असल्याचे या बैठकीतून आग्रहाने मांडण्यात आले.
