नंदुरबारमध्ये जोरदार पावसामुळे जिल्हाधिकाऱ्यांनी गावकऱ्यांना दिला हा इशारा

आंबेबारा,धनीबारा, विसरवाडी,खोलघर लघु प्रकल्पांच्या नदीकाठच्या गावांतील नागरिकांना सतर्कतेचे आवाहन
नंदुरबार (इंडिया दर्पण वृत्तसेवा) – आंबेबारा,धनीबारा,विसरवाडी,खोलघर लघू प्रकल्प योजना धरण व पाणलोट क्षेत्रात पाऊस झाल्याने सदर प्रकल्प 100 पूर्ण क्षमतेने भरल्याने प्रकल्पाच्या पाणी पातळीत वाढ झाली असून हवामान खात्याने दिलेल्या सूचनेनुसार पुढील 72 तासात पाऊस होण्याची शक्यता असल्याने पाणी पातळी नियंत्रित करण्यासाठी प्रकल्पाच्या सांडव्यातून पाण्याचा विसर्ग सोडण्यात येणार आहे.

आंबेबारा लघुप्रकल्पांच्या नदीकाठावरील आष्टे, पिप्रीपाडा, काळटोली, धनीबारा लघुप्रकल्पांच्या नदीकाठावरील अजेपूर, हरिपूर, अंबापूर, घोगळपाडा, विसरवाडी लघुप्रकल्पांच्या नदीकाठावरील विसरवाडी,नवापाडा, खर्जे,बंधारे केलपाडा, सोनारे,डोकारे,नवागांव तसेच खोलघर लघुप्रकल्पांच्या नदीकाठावरील खोलघर, हनुमंतपाडा,आमसपाडा,हरिपूर, सुतारपाडा, घोगळपाडा नदीकाठच्या गावातील नागरिकांनी सतर्कता बाळगावी,असे आवाहन जिल्हा प्रशासनातर्फे करण्यात आले आहे. तसेच वरील नदी काठावरच्या गावातील नागरिकांनी नदीपात्रामध्ये आपली गुरेढोरे सोडू नये अथवा नदी काठाजवळ जाऊ नये. नदीमधील पाण्याचे पंप सुरक्षित स्थळी हलवावे, असे निवासी उपजिल्हाधिकारी तथा मुख्य कार्यकारी अधिकारी जिल्हा आपत्ती व्यवस्थापन प्राधिकरण सुधीर खांदे यांनी कळविले आहे.

गोमाई नदीकाठच्या गावांतील नागरिकांना सतर्कतेचे आवाहन
सुसरी लघू पाटबंधारे योजना नवलपूर, ता.शहादा धरण व पाणलोट क्षेत्रात पाऊस झाल्याने प्रकल्पाच्या पाणी पातळीत 24 तासात वाढ झाली असून सद्यस्थितीत पाणीपातळी 154.85 मीटरची नोंद झाली आहे. प्रकल्पाची महत्तम पूर पातळी 160.00 मीटर असून हवामान खात्याने दिलेल्या सूचनेनुसार पुढील 72 तासात पाऊस होण्याची शक्यता असल्याने पाणी पातळी नियंत्रित करण्यासाठी प्रकल्पाच्या सांडव्यातून पाण्याचा विसर्ग सोडण्यात येणार आहे.

गोमाई नदीच्या काठावरील टेंभली, लोणखेडा, मलोणी, उंटावद, तिखोरा, शहादा, पिंगाणे, धुरखेडा, मनरद, करझई, डामरखेडा, लांबोरा व इतर नदीकाठच्या गावातील नागरिकांनी सतर्कता बाळगावी असे आवाहन जिल्हा प्रशासनातर्फे करण्यात आले आहे. गोमाई नदी काठावरच्या गावातील नागरिकांनी नदीपात्रामध्ये आपली गुरेढोरे सोडू नये अथवा नदी काठाजवळ जाऊ नये. नदीमधील पाण्याचे पंप सुरक्षित स्थळी हलवावे, असे निवासी उपजिल्हाधिकारी तथा मुख्य कार्यकारी अधिकारी जिल्हा आपत्ती व्यवस्थापन प्राधिकरण सुधीर खांदे यांनी कळविले आहे.

कोरडी नदीकाठच्या गावांतील नागरिकांना सतर्कतेचे आवाहन
ढोंग लघू पाटबंधारे योजना धरण व पाणलोट क्षेत्रात पाऊस झाल्याने प्रकल्पाच्या पाणी पातळीत 24 तासात वाढ झाली असून सद्यस्थितीत पाणीपातळी 95.75 मीटरची नोंद झाली असून प्रकल्प 100 पूर्ण क्षमतेने भरल्याने तसेच हवामान खात्याने दिलेल्या सूचनेनुसार पुढील 72 तासात पाऊस होण्याची शक्यता असल्याने पाणी पातळी नियंत्रित करण्यासाठी प्रकल्पाच्या सांडव्यातून पाण्याचा विसर्ग सोडण्यात येणार आहे.

कोरडी नदीच्या काठावरील शिर्वे, वडदे, खातगांव, वडफळी, बिलदा, डोगेगाव, जामदा, वासदा, वहादे, चंदापूर, ढोंग, सागाळी नदीकाठच्या गावातील नागरिकांनी सतर्कता बाळगावी असे आवाहन जिल्हा प्रशासनातर्फे करण्यात आले आहे. नदी काठावरच्या गावातील नागरिकांनी नदीपात्रामध्ये आपली गुरेढोरे सोडू नये अथवा नदी काठाजवळ जाऊ नये. नदीमधील पाण्याचे पंप सुरक्षित स्थळी हलवावे, असे निवासी उपजिल्हाधिकारी तथा मुख्य कार्यकारी अधिकारी जिल्हा आपत्ती व्यवस्थापन प्राधिकरण सुधीर खांदे यांनी कळविले आहे.

Nandurbar Heavy Rainfall Collector Alert Various River Coast villages