नंदुरबार (इंडिया दर्पण वृत्तसेवा)– जिल्ह्यातील नवापूर तालुक्यात कोंडाईबारी घाटात एक बस अन् चार ट्रकचा भीषण अपघात झाला. या अपघातात चौघे केबिनमध्येच अडकले होते. या घटनेत एक जण ठार तर १५ जण गंभीर जखमी झाले. सोमवारी याच ठिकाणी तेल वाहून नेणाऱ्या दोन टॅकरचा आणि ट्रकचा अपघात झाला होता. या अपघातामुळे रस्त्यावर तेल पडले होते. याच तेलामुळे हा भीषण अपघात घडला आहे.
या अपघातानंतर जखमींना रूग्णालयात दाखल करण्यात आले असून त्यांच्यावर रुग्णालयात उपचार सुरु आहेत. या घटनेने वाहनधारकांमध्ये दहशतीचे वातावरण आहे.
गुजरात राज्याची बस सुरतहुन अंमळनेरकडे जात होती. या दरम्यान कोंडाईबारी घाटात बस आणि चार ट्रक अशा पाच वाहनांमध्ये भीषण अपघाताची घटना घडली आहे. हा अपघात इतका भीषण होती की दोन्ही ट्रकचा अक्षरश चक्काचूर झाला होता. तसेच या घटनेत १ जण ठार झाला आहे तर १५ प्रवासी जखमी झाले आहेत. आणि दोन ट्रक मधील केबिन मद्ये चार चालक देखील अडकले होते. या अडकलेल्या लोकांना आता बाहेर काढण्यात आले आहे.
सोमवारी याच ठिकाणी तेल वाहून नेणाऱ्या दोन टॅकरचा आणि ट्रकचा अपघात झाला होता. या अपघातामुळे रस्त्यावर तेल पडले होते. याच तेलामुळे हा भीषण अपघात घडला आहे. हा अपघात इतका भयंकर होता की एकामागून एक ट्रक एकमेकांना धडकले आहेत, तसेच सर्वांत पुढच्या ट्रकचा तर चक्काचूर झाला आहे.
