नांदगाव (इंडिया दर्पण वृत्तसेवा)- नांदगाव विधानसभा मतदारसंघाचे अधिकृत उमेदवार समीर भुजबळ यांचे पारडे अतिशय जड होतांना दिसत असून कळवाडी गटात झालेल्या दौऱ्यात प्रचारदरम्यान त्यांना नागरिकांचा उस्फुर्त प्रतिसाद लाभला. ‘भयमुक्त नांदगाव, प्रगत नांदगाव’ करण्यासाठी समीर भुजबळ यांना विविध संस्था संघटनाकडून पाठींबा मिळत असून नांदगाव मतदारसंघात विकासाची शिट्टी वाजणार असा निर्धार मतदारसंघातील नागरिकांनी केला आहे.
समीर भुजबळ यांनी आज नांदगाव विधानसभा मतदारसंघातील कळवाडी गटातील विविध गावांना भेटी दिल्या. यादरम्यान त्यांचे विविध ठिकाणी ग्रामस्थांनी जल्लोषात स्वागत केले. तर दहिवळ येथे चक्क सजविलेल्या बैलगाडीतून त्यांची मिरवणूक काढत त्यांना खांद्यावर घेऊन नागरिकांनी पारंपारिक वाद्यांवर ठेका धरल्याचे बघावयास मिळाले.
यावेळी निळया टोप्या, मफलर परिधान केलेले व निळे झेंडे हाती घेतलेले ग्रामस्थ रॅलीच्या अग्रभागी होते.
दरम्यान, याप्रसंगी नांदगाव विधानसभा मतदारसंघाच्या विकासासाठी आपण कटिबध्द असून येत्या २० तारखेला मतदान यंत्रावरील अनुक्रमाणिका नंबर ९ च्या समोरील शिट्टी या निशाणीवर आपले बहुमोल मत देऊन मला भरघोस आशीर्वाद द्यावे, असे आवाहन समीर भुजबळ यांनी ग्रामस्थांना केले.
यावेळी दिगंबर पवार, वैभव पवार, पुरुषोत्तम गांगुर्डे, सचिन पवार, गोकुळ पवार, सोमनाथ वाघ, श्रीकांत साळुंखे, भारत गांगुर्डे, ऋषिकेश पवार, बापू पवार, नितीन पवार, कैलास पवार यांच्यासहित मोठ्या संख्येने ग्रामस्थ उपस्थित होते.
विविध संस्था संघटनांचा समीर भुजबळ यांना वाढता पाठींबा
नांदगाव विधानसभा मतदारसंघ भयमुक्त व प्रगत करण्याच्या दृष्टीने समीर भुजबळ यांना विविध संस्था संघटनांचा पाठिंबा वाढत आहे. त्यांना मालनगाव येथील वीर एकलव्य ग्रुपच्या वतीने पाठिंबा जाहीर करण्यात आला. येथील वीर एकलव्य ग्रुपचे ज्ञानेश्वर दळवी, दिनेश दळवी, काशिनाथ दळवी, चैत्राम दळवी, राजू दळवी, विजय दळवी, सुरेश दळवी, देविदास दळवी, राजू दळवी, विशाल दळवी, राहुल दळवी, दादाजी दळवी, लखन दळवी, मोहन दळवी यांच्यासह शेकडो कार्यकर्त्यांनी समोर येऊन भुजबळ यांना पाठिंबा दिला. तसेच गिगाव येथील शिवसेना उध्दव ठाकरे गटाचे ज्ञानेश्वर जाधव यांनी समीर भुजबळ यांच्या गटात प्रवेश करीत त्यांना पाठिंबा दिला. यावेळी त्यांचे सहकारीही यात सामील झाले.
