इंडिया दर्पण ऑनलाईन डेस्क
रत्नागिरी स्थानकाचे छत उद्घाटनापूर्वीच कोसळले असे सांगत काँग्रेस प्रदेशाध्यक्ष नाना पटोले यांनी एक व्हिडिओ शेअर करत महायुती सरकारवर टीका केली आहे. त्यांनी म्हटले आहे की, नेहमीप्रमाणे भाजप आपल्या पापाचे धनी इतरांना बनवतंय, परंतु कोकण रेल्वेच्या म्हणण्यानुसार भाजपच्या अखत्यारितील सार्वजनिक बांधकाम विभागाचं हे काम आहे.
छत्रपती शिवरायांचा पुतळा अल्पावधीतच पडला. मुंबईतील अटल सेतू आणि मुंबई-नागपूर समृद्धी महामार्गाला भेगा पडल्या. महायुतीच्या भ्रष्टाचारी कारभाराचा दररोज पर्दाफाश होतोय. जनता आता यांना दणका दिल्याशिवाय स्वस्थ बसणार नाही.
