नागपूर (इंडिया दर्पण वृत्तसेवा) – जळगावच्या राजमल लखीचंद ज्वेलर्सवर ईडीने सहा दिवसापूर्वी छापा टाकल्यानंतर आता नागपूरच्या ईडी कार्यालयात आर. एल. ग्रुपचे संचालक मनीष जैन आणि त्यांची पत्नी नीतिका जैन यांची दोन दिवस चौकशी करण्यात आली. ही चौकशी बुधवारी संध्याकाळी संपल्यानंतर मनीष जैन यांनी ईडी चौकशीसंदर्भात माध्यमांशी संवाद साधला.
यावेळी जैन म्हणाले की, आम्ही ईडीच्या अधिकाऱ्यांना चौकशीमध्ये संपूर्ण सहकार्य केले असून आम्हाला न्यायाची अपेक्षा आहे. यावेळी त्यांनी एसबीआय कडून कर्ज घेताना गॅरंटी म्हणून दाखवलेले सोने प्रत्यक्षात नव्हतेच, ते फक्त कागदोपत्री होते. या मुख्य आरोपाबद्दल बोलण्यास मात्र नकार दिला.
सहा दिवसापूर्वी जळगाव शहरातील राजमल लखीचंद ज्वेलर्सवर ईडीने एकाचवेळी सहा ठिकाणी छापेमारी केली होती. या कारवाईत मुंबई, नागपूर, छत्रपती संभाजीनगर येथील साठ अधिकारी आणि कर्मचाऱ्यांच्या समावेश होता. यावेळी ईडीच्या पथकाने ८७ लाख रुपयांची रोकड कोट्यवधीचे सोने व कागदपत्र जप्त केली होती. त्यानंतर ईडीने या फर्मच्या संचालकांना नागपूर कार्यालयात पुन्हा चौकशीसाठी बोलावले होते. दोन दिवस ही चौकशी करण्यात आली. त्यानंतर मनीष जैन यांनी सविस्तरपणे याबद्दल सांगितले, जळगावमध्ये अनेक तास चौकशी झाल्यानंतर पुन्हा नागपूरात आमची चौकशी झाली.
जैन म्हणाले की, जे काही नवीन डॉक्युमेंट्स ईडीच्या अधिकाऱ्यांनी आमच्याकडे मागितले होते, ते सर्व आम्ही त्यांना आणून दिले. चौकशीच्या दोन्ही दिवशी जैन धर्माचा पर्युषण पर्व सुरू होता. त्यामुळे ईडीची कार्यवाही सुरु असतानाही आमच्या सर्व धार्मिक प्रार्थना सुरू होत्या असेही त्यांनी सांगितले. यावेळी त्यांनी ईश्वरलाल जैन चौकशीसाठी आले नाही या प्रश्नांवरही उत्तर दिले. त्यांची चौकशी पुढे कधी तरी करण्यात यावी अशी मागणी आम्ही केली असून, ईडीने ती मान्य केली आहे.
Manish Jain interrogated by ED in Nagpur office for two days
Nagpur Rajmal Lakhichand Group Manish Jain ED Enquiry
RL Group Jewels Money Laundering
