पुणे (इंडिया दर्पण वृत्तसेवा) – तुम्ही जर आज दुपारी मुंबईपुणे एक्सप्रेस वेवरुन प्रवास करणार असाल तर तुमच्यासाठी महत्त्वाचे वृत्त आहे. कारण, आज दुपारी दोन तास हा एक्सप्रेस वे बंद ठेवण्यात येणार आहे. त्यामुळे या एक्सप्रेस वे वरुन जाण्यापूर्वी माहिती घ्यावी आणि मगच जावे, असे आवाहन करण्यात आले आहे.
गेल्या काही दिवसांपासून मुंबई-पुणे-कोकण या भागात मोठ्या प्रमाणात पाऊस होत आहे. त्यामुळेच मुंबई-पुणे एक्सप्रेस वेवर दरड कोसळली आहे. मुंबई-पुणे एक्सप्रेस वेवर रविवारी मध्यरात्री दरड कोसळली आहे. त्यामुळे महामार्गावर दगड आणि मातीचा मोठा मलबा साचला आहे. त्याचा परिणाम वाहतुकीवरही झाला आहे. याची दखल घेत हा मलबा महामार्गावरुन हटविण्याचा निर्णय घेण्यात आला आहे. हे काम आज दुपारी १२ ते २ या वाजेच्या दरम्यान केले जाणार आहे. या काळात एक्सप्रेस वे बंद ठेवला जाणार आहे.
