कोल्हापूर (इंडिया दर्पण वृत्तसेवा) – कोल्हापूरकरांसाठी खुषखबर आहे. येत्या १ ऑक्टोबर पासून कोल्हापूर- मुंबई मार्गावर दररोज विमानसेवा सुरू होणार आहे. स्टार एअर या नामांकित कंपनीकडून ही दैनंदिन विमानसेवा दिली जाणार आहे. ही सेवा यापूर्वीही सुरू होती. मात्र, ती बंद पडली आहे. आता पुन्हा ही सेवा सुरू होणार आहे. त्यामुळे कोल्हापूर पुन्हा हवाई मार्गे राजधानी मुंबईशी कनेक्ट होणार आहे.
स्टार एअर कंपनीने दिलेल्या माहितीनुसार, येत्या १ ऑक्टोबरपासून कोल्हापूर-मुंबई ही सेवा दिली जाणार आहे. रोज सकाळी साडेनऊ वाजता मुंबईहून कोल्हापूरच्या दिशेने विमान उड्डाण घेईल. हे विमान सकाळी साडेदहा वाजता हे विमान कोल्हापुरात येईल. त्यानंतर सकाळी दहा वाजून पन्नास मिनिटांनी हे विमान कोल्हापूर विमानतळावरून मुंबईच्या दिशेने झेप घेईल. सकाळी अकरा वाजून पन्नास मिनिटांनी हे विमान मुंबई विमानतळावर उतरेल. सतत केलेल्या पाठपुराव्यामुळे ही सेवा सुरू होत असल्याचे खासदार धनंजय महाडिक यांनी दिली माहिती
Mumbai Kolhapur Air Service Again Start
Flight Schedule Star Air
