मुंबई (इंडिया दर्पण वृत्तसेवा) – गेल्या काही महिन्यांमध्ये लव्ह जिहादचे प्रकार मोठ्या प्रमाणावर समोर येत आहेत. गेल्या आठवड्यात नगर जिल्ह्यात अशा प्रकार घडला. यापूर्वी देखील मुंबई, पुणे येथेच नव्हे तर अन्य राज्यात देखील असे प्रकार घडलेले आहेत. आता मुंबई असा भयानक प्रकार घडला आहे. तरुणीशी प्रेमसंबंध प्रस्थापित करत तिचे अश्लील छायाचित्रण करून त्याच्या आधारे तिचे धर्मांतर व जबरदस्तीने विवाह केल्याचा प्रकार मीरा रोड येथे उघडकीस आला आहे. याप्रकरणी नयानगर पोलिस ठाण्यात पाच जणांविरोधात गुन्हा दाखल झाला आहे.
आत्महत्येची धमकी देत
याबाबत पीडितेने दिलेल्या तक्रारीनुसार, तीन वर्षांपूर्वी तिची आरोपीशी ओळख झाली होती. आरोपीने पीडितेवर प्रेम असल्याचे बोलून दाखवले; मात्र पीडितेने त्याला नकार दिला. त्‍यामुळे आरोपीने आत्महत्या करण्याची धमकी दिल्यामुळे पीडितेने त्याला होकार दिला. एके दिवशी आरोपीने पीडितेला त्याच्या घरी बोलावून आरोपीने पीडितेसोबत बळजबरीने शारीरिक संबंध ठेवले. या वेळी आरोपीने पीडितेचे अश्लील चित्रीकरण केल्याचे तिला सांगितले. ते व्हायरल करण्याची धमकी दिली. तो तिला मुंबईला घेऊन गेला व त्याठिकाणी तिचे धर्मांतर करून तिच्याशी विवाह केला. त्यानंतर आरोपी पीडितेला घरी घेऊन गेला असता त्याचा आधीच एक विवाह झालेला होता. त्याला पहिल्या पत्नीपासून एक मुलगीदेखील असल्याचे पीडितेला समजले. या प्रकारामुळे त्या महिलेला चांगलाच धक्का बसला.
…आणि तिने संधी साधली
आईशी वाद झाल्याने आरोपीने भाड्याने स्वतंत्र घर घेतले व त्याठिकाणी दोघे राहू लागले. बाहेर जाताना तो घराला कुलूप लावून पीडितेला डांबून ठेवू लागला. अनेकवेळा त्याने तिला मारहाणदेखील केली. आरोपीची आईदेखील पीडितेला दुबईला जाण्यासाठी तगादा लावू लागली. ते दोघे परदेशात जातात ही संधी साधून अखेर एक दिवस पीडितेने घरातून पळ काढला व आपले घर गाठले. त्यानंतर पीडित तरुणीने पोलिस ठाण्यात तक्रार दाखल केली. पोलिसांनी आरोपीसह त्याचे कुटुंबीय व मित्र अशा पाच जणांविरोधात गुन्हा दाखल केला आहे. सर्वांना अटक करण्यात आली आहे. या प्रकारामुळे उलट सुलट चर्चा सुरू असून चांगलीच खळबळ उडाली आहे.
