‘पतीला तलाक दे’, असे म्हणत प्रियकराने केले हे धक्कादायक कृत्य…

मुंबई (इंडिया दर्पण वृत्तसेवा) – आजच्या काळात कोण कशा पद्धतीने कोणाला ब्लॅकमेल करेल हे सांगता येत नाही, एका प्रियकराने आपल्या प्रेयसीच्या लहान मुलीचे अपहरण केले. अपहरणाचे कारण म्हणजे पैसा किंवा संपत्ती नसून तिचा पती तिला तलाक किंवा घटस्फोट देत नव्हता, त्यामुळे त्यांच्यावर दबाव आणण्यासाठी किंवा ब्लॅकमेल करण्यासाठी त्याने हा विचित्र तथा गैरप्रकार केल्याने मोठी खळबळ उडाली होती. आणखी वाईट गोष्ट म्हणजे अपहरण करून हा बदमाशी संप रेल्वेत त्या मुलीला घेऊन शौचालयात लपत होता, त्यामुळे तो पोलिसांच्या हाती लागत नव्हता, अखेर पोलिसांनी त्याला मोठ्या शिताफिने अटक केली.

प्रेयसीच्या मुलीचे अपहरण
नागपाडा परिसरात एका प्रियकराने प्रेयसीच्या पाच वर्षाच्या मुलीचे अपहरण केल्याचा धक्कादायक प्रकार घडला. प्रेयसीचा पती त्याला दाद देत नसल्याने त्याने हे टोकाचे पाऊल उचलले, मात्र मुलीचे अपहरण झाल्याने तिच्या आई-वडील चांगलेच घाबरून गेले. त्यांनी तातडीने पोलिसांना ही घटना कळविली. पोलिसांनी लगेच संशयित आरोपीचा पाठलाग सुरू केला. तो एका एक्सप्रेस रेल्वे मध्ये असल्याचे समजले, मात्र स्टेशन आले की तो रेल्वेच्या संडास मध्ये लपायचा. अखेर, शेगाव येथे शालिमार एक्स्प्रेस पोहचताच त्याला शौचालयातून ताब्यात घेण्यात पोलिसांना यश आले. आता नागपाडा पोलिस अधिक तपास करत आहेत.

नाशिकमध्ये असल्याचे समजले
रोतीन घोष (३५) याचे एका विवाहित महिलेसोबत प्रेम संबंध होते. मात्र या प्रकाराला त्या महिलेचा पती विरोध करत होता त्यामुळे प्रियकराने त्याच्यामागे तलाक देण्याचा तगादा लावला, इतकेच नव्हे तर प्रियकर रोतीन घोष (३५) त्यांच्या पाच वर्षाच्या मुलीला घेऊन पसार झाल्याचे समजताच, रात्री उशिराने त्यांनी तात्काळ नागपाडा पोलिसांकडे धाव घेत तक्रार दिली. त्यानुसार, पोलिसांनी तपास सुरू केला. नागपाडा पोलिस ठाण्याचे वरिष्ठ पोलिस निरीक्षक महेशकुमार ठाकूर यांच्या मार्गदर्शनाखाली केलेल्या तांत्रिक तपासात आरोपी नाशिकमध्ये असल्याचे समजले.

थेट शौचालयातूनच धरले
तो लोकमान्य टिळक टर्मिनस येथून शालिमार एक्स्प्रेसने गेल्याची माहिती हाती लागली. पथकाने हाच धागा पकडत, पाठलाग सुरू केला. आरोपी शौचालयात लपत असल्याच्या शक्यतेतून त्यांनी, गाडी शेगाव येथे पोहोचताच शौचालयात शोध घेतला. तेव्हा, लपून बसल्याचे दिसून आला. पोलिसांनी मुलीची सुखरूप सुटका करत, आरोपीला ताब्यात घेतले. मुलीला पालकांच्या ताब्यात देण्यात आले. आपल्या मुलीला सुखरूप पाहून तिच्या आईचा जीव भांडयात पडला. आपल्या आईला बघताच ती आईच्या कुशीत शिरली.

Mumbai Crime Girl Friend Boy friend Arrest Police
Love Affair Talaq Girl Kidnap Railway