मुंबई (इंडिया दर्पण वृत्तसेवा) – देशाची आर्थिक राजधानी असलेल्या या शहरात गुन्हेगारी इतकी वाढली आहे की, पोलिसांपुढे देखील दररोज मोठे आव्हान उभे राहत आहे. खून, हाणामारी, बलात्कार यासारख्या घटना तर सर्रासपणे घडताना दिसून येतात. त्यातच नुकतीच एक खळबळजनक घटना घडली आहे. मुंबईत रुपल ओग्रे (वय २३ ) या एअर हॉस्टेसची निर्घृण हत्या करण्यात आली आहे. याप्रकरणी पोलिसांनी सफाई कर्मचारी विक्रम अटवाल (वय ४०) याला अटक केली आहे. आणि आता त्याने त्याच्या गुन्ह्याची कबुली दिली आहे.
त्या उद्देशानेच घरात घुसला
रुपल ओग्रे ही तरुणी एअर होस्टेस म्हणजे हवाई सुंदरी ती मुळची छत्तीसगड येथील रहिवासी असून एअर इंडिया कंपनीत प्रशिक्षणार्थी एअर होस्टेस म्हणून ती काम करत होती. एके दिवशी सफाई कर्मचारी विक्रम अटवाल हा आरोपी तिच्या घरामध्ये बलात्कार करण्याचे उद्देशाने घुसला. तेव्हा झटापट होऊन हाणामारी सुरू असताना तिने कथितपणे आरोपीच्या हातातून कोयता हिसकावून घेतला होता. त्यानंतर तिने लाकडी हँडलने आरोपीच्या डोक्यावर आणि हातावर वार केले. तिने आरोपीला आणखी जोराने मारहाण केली असती तर तो जागीच ठार झाला असता, मात्र तसे घडले नाही उलट तीच ठार झाली.
म्हणून गळा चिरला
या प्रकरणी एका पोलीस अधिकाऱ्याने सांगितले, सदर आरोपीने पोलिसांसमोर कबूल केले की तो महिलेवर बलात्कार करण्याच्या उद्देशाने घरात घुसला होता. त्याला बलात्कार करून फरार व्हायचे होते, मात्र संरक्षणासाठी त्याने आपल्या कपड्यात एक कोयता लपवला होता. पीडितेवर बलात्कार करण्याच्या उद्देशाने तो घरात घुसला. पण तिने प्रतिकार केल्याने त्याने घाबरून तिचा गळा चिरला. दरम्यान, पीडितेने आरोपीच्या चेहऱ्यावर आणि मानेवर ओरखडे ओढले. या आरोपीला न्यायालयात हजर केले असता त्याला तीन दिवसांची पोलीस कोठडी सुनावली. याप्रकरणी आरोपीने हत्येची कबुली दिली आहे. घटनेचा पुढील तपास केला जात आहे. याप्रकरणी आरोपीला कठोर शिक्षा करावी अशी मागणी होत आहे.
mumbai killer house rape murdered slit throat air hostess rupal oghre
Mumbai Crime Air Hostess Rupal Oghre Murder Case Police Investigation
