नाशिक (इंडिया दर्पण वृत्तसेवा)- यशवंतराव चव्हाण महाराष्ट्र मुक्त विद्यापीठातील कुसुमाग्रज अध्यासनातर्फे मराठी भाषा संवर्धन पंधरवाड्यानिमित्त विद्यापीठ सहकाऱ्यांसाठी ‘सन २०२४ सालातील मला आवडलेले पुस्तक’ या विषयावर निबंध स्पर्धा आयोजित करण्यात आली होती. या स्पर्धेत बहुविद्याशाखीय अभ्यास विद्याशाखेच्या शैक्षणिक संयोजक डॉ. मंजुश्री श्रीपाद नेव्हल यांनी प्रथम क्रमांक मिळविला.
त्यांनी ‘प्रेरणादायी प्रवास एका हिरोचा – ओ. पी. मुंजाल यांच्या आयुष्यातून शिकण्यासारखे…’ या श्रीमती प्रिया कुमार लिखित व श्री. पराग पोतदार अनुवादित पुस्तकावर निबंध लिहिला होता. स्पर्धेतील निबंधांचे परीक्षण प्रा. विजयकुमार पाईकराव यांनी केले. विद्यापीठाचे मा. कुलगुरू प्रा. संजीव सोनवणे यांच्या हस्ते डॉ. नेव्हल यांचा डॉ. तारा भवाळकर लिखित ‘सीतायन’ हे पुस्तक भेट देऊन सत्कार करण्यात आला. यावेळी कुसुमाग्रज अध्यासनाचे प्रमुख डॉ. दिलीप धोंडगे आणि निरंतर शिक्षण विद्याशाखाचे संचालक डॉ. जयदीप निकम यांची प्रमुख उपस्थिती होती.
