सौर उर्जा क्षेत्रात चीनची मक्तेदारी संपविण्याच्या दृष्टीने आता जगातील दोन मोठ्या राष्ट्रांनी पाऊल उचलले आहे. त्यात भारत पहिल्या क्रमांकावर आहे, तर अमेरिका दुसऱ्या क्रमांकावर. सर्वांत पहिले भारतात रिलायनस उद्योग समूहाचे चेअरमन मुकेश अंबानी यांनी ७५हजार कोटी रुपयांची गुंतवणूक करून भारताला सौर उर्जेच्या बाबतीत पूर्णपणे आत्मनिर्भर करण्याचा संकल्प सोडला. आणि आता अमेरिकेनेही चीनच्या एका कंपनीकडून सोलर पॅनल खरेदी करण्यावर निर्बंध घातले. मुकेश अंबानींपाठोपाठ अमेरिकेनेही चीनला थेट आव्हान दिले आहेत.
मुकेश अंबानी यांनी त्यांच्या महत्त्वाकांक्षी योजनेसाठी ७५ हजार कोटी रुपयांच्या गुंतवणुकीची अलीकडेच घोषणा केली. खरे तर मुकेश अंबानींची घोषणा आणि अमेरिकेचा निर्णय या दोन्हींचा आपसात काहीच संबंध नाही, मात्र चीनसाठी हा मोठा धक्का मानला जात आहे.
गुजरात येथील जामनगर मध्ये ५ हजार एकर जागेत धीरुभाई अंबानी ग्रीन एनर्जी गिगा कॉम्प्लेक्स स्थापन होणार आहे. हा प्रकल्प चीनच्या सर्वांत मोठ्या सोलर उपकरण प्लान्टच्या बरोबरीचा किंवा त्याहीपेक्षा मोठा असणार आहे. इथे सोलर एनर्जी क्षेत्राशी संबंधित सर्व उपकरणे व त्याच्याशी संबंधित सर्व कच्या मालाची निर्मिती होईल. सोलर सेल्समध्ये वापरला जाणारा कच्चा माल पॉलिसिलिकॉन याचेही उत्पादन जामनगरमध्ये होणार आहे.
असे तयार होते पॉलिसिलिकॉन
पॉलिसिलिकॉनची निर्मिती अत्यंत उच्च दर्जाच्या तंत्रज्ञानाच्या माध्यमातून होते. त्यामुळे जगातील दिग्गज कंपन्यांसोबत या प्लानच्या स्थापनेसाठी रिलायन्सची चर्चा सुरू आहे. पॉलिसिलिकॉनशी संबंधित कच्च्या मालाची अडचण नाही, पण अत्याधुनिक सोयी-सुविधा असलेला कारखाना उभा करणे हेच मोठे आव्हान आहे. सोबतच सोलर एनर्जीच्या प्लान्टमध्ये विशिष्ट प्रकारचे प्लास्टिकही वापले जाते. त्याची निर्मिती रिलायन्सकडे असलेल्या कच्च्या मालातून होऊ शकते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
