नवी दिल्ली (इंडिया दर्पण वृत्तसेवा) – माजी अर्थमंत्री पी चिदंबरम यांचे पुत्र आणि काँग्रेस नेते कार्ती चिदंबरम यांचा त्रास कमी होण्याचे नाव घेत नाहीये. कार्ती चिदंबरम यांच्यावर चिनी व्हिसा घोटाळा आणि मनी लाँड्रिंगच्या आरोपाखाली अटकेची टांगती तलवार आहे. दरम्यान, शुक्रवारी विशेष सीबीआय न्यायालयात कार्ती चिदंबरम यांची अटकपूर्व जामीन याचिका फेटाळण्यात आली.
मनी लाँड्रिंग आणि चिनी व्हिसा घोटाळ्याच्या आरोपाखाली काँग्रेस खासदार कार्ती चिदंबरम यांना अटक होण्याची भीती आहे. मात्र, दिल्लीतील रोज अॅव्हेन्यू कोर्टाने कार्तीला 30 मे पर्यंत अटकेपासून अंतरिम संरक्षण दिले होते. त्याच्या एक दिवसापूर्वी ईडीने त्याच्याविरुद्ध मनी लाँड्रिंगचा गुन्हाही दाखल केला होता. काँग्रेसचे लोकसभा खासदार व्यतिरिक्त त्यांचे सहकारी एस भास्कर रमण यांच्यावरही आरोप आहेत.
कार्ती चिदंबरम आणि त्यांचे सहकारी भास्कर रमण यांच्यावर पैशाच्या बदल्यात चिनी नागरिकांना व्हिसा मिळवून दिल्याचा आरोप आहे. पंजाबमधील वेदांत समूहाच्या वीज प्रकल्पासाठी चिनी नागरिकांना भारतात यायचे होते. त्यावेळी कार्ती यांचे वडील पी चिदंबरम केंद्रात गृहमंत्री होते. याशिवाय आयएनएक्स मीडिया आणि एअरसेल-मॅक्सिस प्रकरणानंतर कार्ती चिदंबरम यांच्याविरुद्ध मनी लाँड्रिंगचा तिसरा गुन्हा दाखल करण्यात आला आहे. ईडी गेल्या काही वर्षांपासून आयएनएक्स मीडिया आणि एअरसेल-मॅक्सिस मनी लॉन्ड्रिंग प्रकरणांची चौकशी करत आहे.
