खा.गोडसे यांनी दिली माहिती
नाशिक — महानगरपालिकेच्या हद्दीतील काही महत्त्वाच्या विकास कामांना विशेष निधीतून नगरविकास मंत्री एकनाथ शिंदे यांनी पाच कोटी रुपयांचा विशेष निधी मंजूर केल्याची माहिती खा. हेमंत गोडसे यांनी दिली. या निधीतून शहरातील मुख्य चौकांचे सुशोभिकरण करण्यासह रस्त्यांच्या डांबरीकरणाचे कामे होणार असनू या निधीमुळे नाशिक महानगरातील विकास कामांना निश्चितच हातभार लागणार आहे. पाच महिन्यांपूर्वी नामदार शिंदे यांच्या नगररचना विभागाकडून शहरातील विकास कामांसाठी पाच कोटी रूपयांचा निधी मिळाला होता. आज पुन्हा नामदार शिंदे यांच्या विभागाकडून पाच कोटी रूपयांचा निधी मिळाला असल्याचेही खा. गोडसे यांनी सांगितले.
महानगरापालिका क्षेत्रातील अनेक कामांसाठी नगरविकास विभागाकडून निधी उपलब्ध व्हावा, यासाठी गेल्या काही महिन्यांपासून सततचे प्रयत्न सुरु होते. दरम्यानच्या काळात निधीच्या उपलब्धतेसाठी दोन वेळेस नगरविकासमंत्री ना. एकनाथ शिंदे यांची वैयक्तिक भेट घेतली होती. ठाणे,मुंबई,कल्याण या महानगरांप्रमाणेच नाशिक देखील माझे आवडते शहर असून विकासकामांसाठी मी निश्चितच भरघोस निधी उपलब्ध करुन देणार असल्याची ग्वाही त्यावेळी ना.शिंदे दिल्याचेही खा.गोडसे यांनी सांगितले. नगरविकास विभागाकडे सततचा पाठपुरावा करून पाच महिन्यांपूर्वी शहरातील सात विविध विकास कामांसाठी पाच कोटी रूपयांचा निधी मंजूर करून घेतला होता. पुन्हा शहरातील विविध विकास कामांसाठी वाढीव पाच कोटी रूपयांचा निधी मिळाल्याचेही त्यांनी सांगितले.
खालील ठिकाणी होणार विकासकामे
– प्रभाग क्र.23 येथील विधाते नगर येथे अभ्यासिका बांधणे व उद्यान सुशोभिकरण करणे (पन्नास लक्ष)
– प्रभाग क्र.2 आडगाव येथे अभ्यासिका बांधणे (पन्नास लक्ष)
– प्रभाग क्र.8 के.सी.ठाकरे उद्यान सुशोभिकरण करणे (पन्नास लक्ष)
– प्रभाग क्र.28 सिध्दटेक येथील रस्ता कॉंक्रिटीकरण करणे (पन्नास लक्ष)
– प्रभाग क्र.24 शांती उद्यान चौक नं 4 गोविंदनगर उद्यान सुशोभिकरण करणे (पन्नास लक्ष)
– प्रभाग क्र.31 पाथर्डी सर्वे नं 315 येथे अभ्यासिका बांधकाम करणे (पन्नास लक्ष)
– प्रभाग क्र.16 तोरणा सोसायटी येथील उद्यान सुशोभिकरण करणे व सभामंडप बांधणे (पन्नास लक्ष)
– प्रभाग क्र.28 महालक्ष्मी नगर येथे अभ्यासिका बांधणे (पन्नास लक्ष)
– प्रभाग क्र.26 वेणुनगर गार्डन सर्वे 29/1 खुटवडनगर यामध्ये जिमनॅस्टीक हॉल बांधणे व सुषोभिकरण करणे (पन्नास लक्ष)
– प्रभाग क्र.26 गोरेबाबा मंदिर परिसरात जिमनॅषियम हॉल बांधणे (पन्नास लक्ष)
