इंडिया दर्पण ऑनलाईन डेस्क – मोबाईल गेम खेळल्यामुळे आणखी एक कुटुंब उद्ध्वस्त होण्याच्या उंबरठ्यावर पोहोचले आहे. बीजीएमआय गेम खेळणाऱ्या मुलाने त्याच्या वडिलांच्या खात्यातून थोडे थोडके नव्हे तर तब्बल ३९ लाख रुपये खर्च केले. न्यूज १८ च्या रिपोर्टनुसार, हे प्रकरण आग्रा येथील आहे. एक मुलगा त्याच्या वडिलांच्या फोनवर गेम खेळत असे. बँक खात्यातून एवढी मोठी रक्कम गायब झाल्याने वडील नाराज झाले आणि त्यांनी पोलिसांत तक्रार केली. आग्रा पोलिसांनी तपास केला असता बीजीएमआयची डेव्हलपर कंपनी क्रॉफ्टनचे नाव समोर आले आहे.
पीडितेचे वडील निवृत्त सैनिक आहेत. पोलिसांकडे दिलेल्या तक्रारीत त्यांनी म्हटले आहे की, त्यांच्या खात्यातून ३९ लाख रुपयांची फसवणूक झाली आहे. बँक खात्यातून एवढी मोठी रक्कम कशी गायब झाली हे त्यांना कळत नाही. याबाबत बँकेला विचारणा केली असता, पहिली रक्कम Paytm द्वारे ट्रान्सफर झाल्याचे आढळून आले, जी सिंगापूरमधील एका खात्यात पोहोचली. हे खाते कथितपणे क्राफ्टन कंपनीचे आहे.
BGMI आणि तत्सम अनेक अॅक्शन गेम्स बाजारात उपलब्ध आहेत. या मोबाईल गेम्समध्ये चांगली शस्त्रे, कपडे आणि तत्सम वस्तू खरेदी करण्यासाठी पैसे मोजावे लागतात. सेवानिवृत्त सैनिकाच्या तक्रारीवरून क्रॉफ्टन कंपनीविरुद्ध फसवणूक आणि आयटी कायद्यांतर्गत गुन्हा दाखल करण्यात आला आहे. तसेच, याप्रकरणी पोलिस अधिक तपास करीत आहेत.
विशेष म्हणजे, ऑनलाईन गेममुळे पैसे गेल्याची ही पहिलीच घटना नाही. मुलांनी मोबाईल गेम खेळताना त्यांच्या पालकांच्या खात्यातून मोठी रक्कम गेल्याच्या अनेक घटना घडल्या आहेत. नॅशनल कमिशन फॉर प्रोटेक्शन ऑफ चाइल्ड राइट्सच्या अहवालानुसार शहरातील सुमारे ६० टक्के मुलांकडे मोबाईल आहे. यामध्ये ४० टक्क्यांहून अधिक मुले अशी आहेत जी इतर सोशल साइट्स आणि विविध क्रीडा अॅप्स वापरतात.
mobile game 39 lakh rupees withdrawal from bank account Technology fraud crime
