मनसे शहर कार्यकारिणीत मोठे फेरबदल; पहा, नूतन पदाधिकारी व शाखाध्यक्षांची यादी.

नाशिक – महाराष्ट्र नवनिर्माण सेना अध्यक्ष राज ठाकरे यांनी मनसेच्या नाशिक शहर व जिल्हा संघटनेत मोठे फेरबदल जाहीर केले आहेत. दिलीप दातीर यांना नाशिक शहर अध्यक्ष पद देण्यात आले आहे तर अंकुश पवार यांना नाशिक जिल्हाध्यक्ष पदावर बढती देण्यात आली आहे. अॅड. रतनकुमार ईचम यांनाही जिल्हाध्यक्ष पद देण्यात आले आहे. तर सचिन भोसले यांना शहर समन्वयक पद देण्यात आले आहे. नूतन कार्यकारिणी जाहीर करतांना राज यांनी नाशिक शहरातील सहाही विभाग अध्यक्षांना पदावर कायम ठेवले आहे.

आगामी नाशिक महानगर पालिकेच्या सार्वत्रिक निवडणुकांच्या तयारीच्या अनुषंगाने मनसेचे युवानेते अमित ठाकरे यांच्यासह वरिष्ठ नेते श्री. बाळा नांदगावकर, श्री. नितीन सरदेसाई, श्री. शिरीष सावंत, श्री. अनिल शिदोरे, श्री. किशोर शिंदे, श्री.संदीप देशपांडे, श्री.अविनाश जाधव, श्री.संजय नाईक, श्री.अमेय खोपकर, श्री.योगेश परुळेकर, श्री. राकेश पेडणेकर, श्री. योगेश खैरे, श्री.दिलीप कदम या मुंबईच्या वरिष्ठ नेत्यांनी राजगड येथे ईच्छुकांच्या बैठका घेत शाखा अध्यक्षांच्या यादीला अंतिम रूप दिले. राज यांचे नाशिक येथे आगमन झाल्यावर यादीला अंतिम मंजुरी घेत आज हॉटेल एसएसके सोलीटेयर येथे झालेल्या मनसे पदाधिकारी मेळाव्यात नूतन पदाधिकाऱ्यांच्या नावांसह सर्व १२२ नवनियुक्त शाखा अध्यक्षांची यादी जाहीर करण्यात आली.

या प्रसंगी मनसेचे प्रदेश सरचिटणीस अशोक मुर्तडक, जिल्हाध्यक्ष अॅड. रतनकुमार ईचम व अंकुश पवार, शहराध्यक्ष दिलीप दातीर, ज्येष्ठ नगरसेवक सलीम (मामा) शेख, नगरसेवक योगेशभाऊ शेवरे, शहर समन्वयक सचिन भोसले, विभाग अध्यक्ष सत्यम खंडाळे, नितीन साळवे, भाऊसाहेब निमसे, विक्रम कदम, रामदास (तात्या) दातीर व योगेश लभडे यांच्यासह मनसे शहर कार्यकारीणी व सर्व अंगीकृत संघटनांचे पदाधिकारी मोठ्या संख्येने उपस्थित होते.