बागेश्री पारनेरकर व सिद्धी दाभाडे, इंडिया दर्पण वृत्तसेवा
डॉ. शेफाली समीर भुजबळ यांनी रेखाटलेल्या विविध निसर्ग चित्रांचे नाशिक येथील हॉटेल एक्सप्रेस इन ग्रँड्युर हॉल येथे चार दिवसीय ‘निसर्गायण’ हे चित्र प्रदर्शन आयोजित करण्यात आले आहे. सदरचे चित्रप्रदर्शन १२ ते १५ मार्च २०२२ या कालावधीत सकाळी १० ते रात्री ९ वाजेपर्यंत सर्वांसाठी खुले असणार आहे. मुंबईनंतर आता प्रथमच नाशिक शहरात त्यांच्या चित्रांचे प्रदर्शन आयोजित करण्यात आले आहे. डॉ. शेफाली भुजबळ यांनी अनेक वर्षांपासून चित्रकलेचा छंद जोपासला असून त्यांचा चित्रकला क्षेत्रात अभ्यासही आहे. त्याची सुंदर प्रचिती म्हणजेच ‘निसर्गायण’. चित्रकलेची आवड कशी निर्माण झाली, तसेच व्यस्त वेळापत्रकातून चित्रकलेसाठी त्या वेळ कसा काढता, आणि या चित्रप्रदर्शनाविषयी डॉ. शेफाली भुजबळ यांच्याकडून जाणून घेऊ या.
