ही कंपनी म्हणते,’आमची कार खरेदी करा, अपघातच होणार नाही!’

इंडिया दर्पण ऑनलाईन डेस्क – कल्पना करा की तुमच्याकडे अशी सुरक्षित कार आहे, जीचा कधीही अपघात होणार नाही? हो अशक्य नाही पण, लवकरच शक्य होणार आहे. कारण, आलिशान वाहन निर्माता कंपनी मर्सिडीज-बेंझने असाच दावा केला आहे. कंपनीचे म्हणणे आहे की, लवकरच ते असे तंत्रज्ञान विकसित करतील, त्यानंतर कोणतीही दुर्घटना होणार नाही.

कंपनी २०५० पर्यंत “व्हिजन झिरो” च्या लक्ष्यावर काम करत आहे. या तंत्रज्ञानामुळे कोणतीही मर्सिडीज कार कधीही अपघातग्रस्त होणार नाही. अपघातमुक्त भविष्यासाठी कंपनी आपले स्वायत्त ड्रायव्हिंग तंत्रज्ञान अपग्रेड करत आहे. तथापि, आतापर्यंत कारमध्ये कमाल लेव्हल-२ ADAS सुरक्षा तंत्रज्ञान उपलब्ध आहे. हे तंत्रज्ञान विकसित झाल्यानंतर अपघातांची शक्यता बऱ्याच अंशी कमी होईल, अशी अपेक्षा आहे.

असे आहे व्हिजन झिरो
‘व्हिजन झिरो’ ही मर्सिडीज-बेंझची भविष्यातील अशी योजना आहे, की २०५० पर्यंत मर्सिडीज कारच्या रस्ते अपघाताची पातळी शून्य असेल. कंपनीच्या म्हणण्यानुसार, यासाठी झिरो १९९५ पासून रस्ते अपघातांचा अभ्यास करत आहे. याशिवाय कंपनी आपल्या मूलभूत पायाभूत सुविधांमध्येही सुधारणा करत आहे. कंपनी ड्रायव्हर असिस्ट तंत्रज्ञान आणि ऑटोनॉमस ड्रायव्हिंग तंत्रज्ञान विकसित करत आहे.

सुरक्षा फीचर्स अपग्रेड
मर्सिडीज-बेंझ त्याच्या सर्वोत्तम सुरक्षा वैशिष्ट्यांसाठी आणि लक्झरीसाठी ओळखली जाते. तथापि, कंपनी आपल्या कारमध्ये इलेक्ट्रॉनिक स्थिरता नियंत्रण, रडार-आधारित अ‍ॅडॉप्टिव्ह क्रूझ कंट्रोल, ट्रॅक्शन कंट्रोल (अँटी-स्लिप रेग्युलेशन), स्वयंचलित आपत्कालीन ब्रेकिंगसह अनेक सुरक्षा वैशिष्ट्ये ऑफर करते. मात्र, अलीकडच्या काही मोठ्या रस्ते अपघातांमुळे कंपनीच्या सुरक्षा यंत्रणेवर प्रश्नचिन्ह निर्माण झाले आहे. त्यामुळे, कंपनी आता आपली सुरक्षा वैशिष्ट्ये अतिशय वेगाने अपग्रेड करण्याचा प्रयत्न करत आहे, जेणेकरून या तंत्रज्ञानाच्या मदतीने जागतिक स्तरावर वाढणाऱ्या रस्ते अपघातांची संख्या कमी करता येईल.

Mercedes Benz Car Zero Accident Claim Safety Features
Automobile Vehicle Road