इंडिया दर्पण ऑनलाईन डेस्क – माध्यमसम्राट आणि अब्जाधीश असलेले रुपर्ट मर्डोक पुन्हा एकदा चर्चेत आले आहेत. वयाच्या ९१व्या वर्षी त्यांनी धाडसी निर्णय घेतला आहे. मर्डोक यांनी मॉडेल अभिनेत्री तथा त्यांची पत्नी जेरी हॉलपासून वेगळे होण्याचे निश्चित केले आहे. दोघेही त्यांचा गेल्या ६ वर्षांचा संसार मोडणार आहेत. लवकरच ते घटस्फोटासाठी अर्ज दाखल करणार आहेत. मर्डोक यांचे वयाच्या ८५ व्या वर्षी जेरी सोबत चौथे लग्न लग्न झाले.
माध्यम बादशहा रुपर्ट मर्डोक यांनी मॉडेल अभिनेत्री पत्नी जेरी हॉलसोबत वेगळे होण्याचा निर्णय घेतला आहे. दोघेही त्यांचा ६ वर्षांचा संसार मोडणार आहेत आणि लवकरच घटस्फोटासाठी अर्ज दाखल करणार आहेत. ९१ वर्षीय रुपर्ट मर्डोक यांनी २०१६ मध्ये ६५ वर्षीय मॉडेलसोबत लग्न केले. रुपर्ट मर्डोक यांचे हे चौथे लग्न होते. त्यांचे पहिले लग्न पॅट्रिशिया बुकरशी १९५६ मध्ये झाले होते. तिच्यासोबत त्यांनी १९६७ पर्यंत संसार केला होता.
त्यानंतर त्यांनी अण्णा मारिया टोर्वशी दुसरे लग्न केले, जे १९६७ ते १९९९ पर्यंत टिकले. मर्डोक यांनी १९९९ मध्ये वेंडी डेंगशी तिसरे लग्न केले, जे २०१३ पर्यंत टिकले. ‘बॅटमॅन’ आणि ‘द ग्रॅज्युएट’ सारख्या हॉलिवूड चित्रपटांमध्ये काम केलेल्या रुपर्ट मर्डोक यांनी २०१६ मध्ये जेरी हॉलशी लग्न केले. मर्डोकच्या आधी, जेरी हॉलने रॉक स्टार आणि गायक मिक जॅगरशी लग्न केले होते. जेरी हॉल आणि रुपर्ट मर्डोक यांना वेगवेगळ्या विवाहातून १० मुले आहेत. फॉक्स न्यूज चॅनलची मूळ कंपनी न्यूजकॉर्पचे सीईओ आणि अध्यक्ष रुपर्ट मर्डोक यांनी चौथ्या लग्नाबद्दल आनंद व्यक्त केला होता.
जेरी हॉलसोबत लग्न केल्यानंतर रुपर्ट मर्डोक यांनी आनंद व्यक्त करत ट्विट केले होते की, ‘पुढील १० दिवस आणखी ट्विट करणार नाही. जगातील सर्वात भाग्यवान आणि आनंदी व्यक्ती असल्यासारखे वाटते. अशा परिस्थितीत रुपर्ट मर्डोक यांचा घटस्फोटाचा निर्णय धक्कादायक मानला जात आहे. रुपर्ट मर्डोक आणि जेरी हॉल यांनी अद्याप लग्न मोडल्याची घोषणा केलेली नाही.
अलीकडेच मायक्रोसॉफ्टचे संस्थापक बिल गेट्स आणि पत्नी मेलिंडा फ्रेंच गेट्स यांनीही घटस्फोट घेण्याचा निर्णय घेतला. याशिवाय जेफ बेझोस आणि मॅकेन्झी यांच्यात घटस्फोटही झाला आहे. तर, गुगलचे सह-संस्थापक सेर्गे ब्रिन यांनी अलीकडेच आपल्या पत्नीपासून घटस्फोटासाठी अर्ज दाखल केला आहे. घटस्फोटाचा निर्णय घेणारे गेल्या ४ वर्षांतील ते तिसरे अब्जाधीश आहेत.
Media Baron Rupert Murdoch, Actress Jerry Hall Getting A Divorce
