नाशिक (इंडिया दर्पण वृत्तसेवा) – आंतरराष्ट्रीय कीर्तीचे गणिततज्ज्ञ कै. श्री. दिलीप गोटखिंडीकर यांना अनोखी श्रद्धांजली वाहिली जाणार आहे. गंगापूररोड वरील सौभाग्यनगर परिसरात नाशिक महापालिकेने नवीन अभ्यासिका बांधली आहे. या अभ्यासिकेला आंतरराष्ट्रीय कीर्तीचे गणिततज्ज्ञ कै. श्री. दिलीप गोटखिंडीकर असे नाव देण्यात येणार आहे. हा नामकरण सोहळा ज्येष्ठ शास्त्रज्ञ डॉ. ओमप्रकाश कुलकर्णी, ज्येष्ठ अर्थतज्ज्ञ डॉ. विनायक गोविलकर यांच्या शुभहस्ते होणार आहे. शनिवार, २६ फेब्रुवारी रोजी सकाळी १० ते १२ या वेळेत होणाऱ्या या समारंभास विविध क्षेत्रातील मान्यवर उपस्थित राहणार आहेत.
