नवी दिल्ली – काही वेळा आपण मास्क लावल्यानंतरही कोरोनाची होण्याची भीती असून त्यासाठी मास्क कसा वापरावा याबाबत नियमांचे पालन करणे आवश्यक आहे, तरच कोरोनापासून प्रतिबंध होऊ शकतो. कोरोनाची भीती असल्यास, आपला मास्क अधिक सुरक्षित बनवण्याचे मार्ग असून चेहरा आणि नाकावर जितका मास्क बसत जाईल तितका तो व्हायरसपासून वाचवेल.
या संदर्भात यूएस सेंटर फॉर डिसीज कंट्रोल अॅण्ड प्रिव्हेंशनने कोणता सल्ला दिला आहे. चला जाणून घेऊ या…
दोन दोरांना एकत्र बांधा
चेहऱ्यावर मास्क लावताना, दोन्ही दोर किंवा लवचिक पट्ट्या एकत्र गाठून बांधून घ्या. हा मुखवटा आपला चेहरा आणि नाक पूर्णपणे लपवेल. संक्रमित हवा किंवा एरोसोल याला नाक किंवा तोंडातून आपल्या शरीरात प्रवेश करण्याचा मार्ग सापडणार नाही.
गाठी नसलेला मास्क
गाठी नसलेला सर्जिकल मास्क सुमारे 56.1 टक्के बाह्य हवा आणि एरोसोल कणांपासून संरक्षण करतो, तर कपडयाचा मास्क सुमारे 51.4 टक्के हवा, तोंडाने किंवा नाकात शिरण्यापासून कणांना प्रतिबंधित करतो.
