मुंबई (इंडिया दर्पण वृत्तसेवा) – सध्या टीव्हीवर अनेक मालिका गाजत आहेत, त्यातच एका मालिका ‘ठिपक्यांची रांगोळी’ चाहत्यांची आवडती झाली आहे. फार कमी कालावधीत या मालिकेने प्रेक्षकांच्या मनात घर केले असून या मालिकेतील प्रत्येक पात्र प्रेक्षकांच्या पसंतीस उतरले आहेत.
कानिटकरांचे घर आणि त्यातील माणसे ही प्रेक्षकांच्या मनाला भावली आहेत. त्यांच्या घरातील नाती पाहून आपलेही घरच असं असावं असं नकळत वाटून जाते याच मालिकेतील विठू बाबा आणि सुवा ( सुवर्णा ) आई यांनी प्रेक्षकांना एक चांगली बातमी दिली आहे. या दोघांनी नुकतेच आपल्या हक्काचे नवे घर घेतले आहे. खरे म्हणजे मुंबईमध्ये आपल्या स्वतःचे हक्काचे घर घेणे ही प्रत्येक कलाकाराची ईच्छा असते. ही ईच्छा आजवर अनेक कलाकारांची पूर्ण झाली आहे.
या मालिकेत खऱ्या आयुष्यात असलेले कपल रिअल लाईफमध्ये देखील सुखाने संसार करत आहे ते म्हणजे अभिनेत्री लीना भागवत आणि मंगेश कदम. या दोघांनी या मालिकेत विठ्ठल आणि सुवर्णा कानिटकरचे पात्र साकारले आहे. या सुंदर जोडप्याने नुकत्याच आपल्या नवीन घरात गृहप्रवेश केला आहे. एक नवीन सुरुवात असे म्हणत लीना भागवत यांनी घर खरेदी करून आयुष्यातले हे आनंदाचे क्षण चाहत्यांसोबत शेअर केले आहेत.
अतिशय साध्या आणि हसमुख चेहऱ्याच्या लीना भागवत यांनी जवळपास तीन दशके मराठी सृष्टीत काम केले आहे. नाटकामुळे दिग्दर्शक, अभिनेते मंगेश कदम सोबत त्यांची चांगली ओळख झाली. त्यानंतर एक दिवस मालिकेतून सुट्टी काढून २०१४ साली या दोघांनी प्रेमविवाह केला.
मंगेश कदम यांचं दिग्दर्शन क्षेत्रात एक मोठे नाव होते. त्यामुळे लग्नानंतर या दोघांनी पुन्हा एकत्रित काम करण्यास सुरुवात केली. अभिनेते मंगेश कदम आणि अभिनेत्री लीना भागवत यांचा नुकताच या घराचा गृहप्रवेश सोहळा पार पडला आहे. लीना यांनी त्यांच्या इंस्टाग्रामवर काही फोटो शेअर केले आहेत. या फोटोंमध्ये त्या मंगेश यांच्यासोबत त्यांच्या नवीन घरात आहेत. तर दुसऱ्या फोटोंमध्ये लीना दारावर कुंकुवाचे हात उमटवत आहेत. यासोबतच लीना यांनी त्यांच्या स्टोरीवर एक व्हिडीओ पोस्ट केला आहे.
Marathi TV Serial Thipkyachi Rangoli Actor Real life Mangesh Kadam Leena Bhagwat
