मुंबई (इंडिया दर्पण वृत्तसेवा) – टीव्हीवरील सध्या गाजत असलेल्या अनेक मालिकांपैकी ‘सुंदरा मनामध्ये भरली’ ही प्रेक्षकांची आवडती मालिका आहे. लतिका आणि अभ्याच्या या कथेने सगळ्यांना वेड लावले आहे. विशेष म्हणजे मालिकेतील सगळेच कलाकार लोकप्रिय ठरले. या मालिकेतील अभिलाषा ही मालिकेतील खलनायिका आणि अभिमन्यूची बॉस आहे.
सध्या मालिकेत अभिनेत्री राधा सागर ही अभिलाषाची भूमिका साकारताना दिसत आहे. ती मालिकेत खालायिकेच्या भूमिकेत आहे. तिने आपल्या अभिनयाने प्रेक्षकांना भुरळ पाडली आहे. राधा सागर यांचा जन्म दि. 27 मार्च 1989 रोजी पुणे येथे झाला. तिचे शिक्षण पुणे येथे झाले असून तिने “एक मोहर अबोल (2012)” या दूरचित्रवाणी कार्यक्रमात आणि “एक अलबेला (2016 )” मधून चित्रपटसृष्टीत पदार्पण केले. तसेच तिने ‘सुंदरा मनामध्ये भरली’ मध्ये काम करीत प्रेक्षकांच्या मनात वेगळे स्थान निर्माण केले आहे.
या मालिकेत येणाऱ्या निरनिराळ्या ट्विस्टमुळे ही मालिका प्रेक्षकांची आवडती बनली आहे. मालिकेतील अभिमन्यू आणि लतिकाची जोडी देखील प्रेक्षकांची आवडती आहे. सध्या मालिकेत अभिनेत्री राधा सागर मुख्य भूमिका साकारताना दिसत आहे. ती मालिकेत खालायिकेच्या भूमिकेत आहे. तिने आपल्या अभिनयाने प्रेक्षकांना भुरळ पाडली आहे. अभिनेत्री राधा सागर सोशल मीडियावर प्रचंड सक्रीय असते. ती तिचे विविध फोटो व व्हिडिओ चाहत्यांसोबत शेअर करत असते. मात्र नुकतीच राधाने एक पोस्ट केली आहे. त्यामुळे ती मालिका सोडून जात असल्याच्या चर्चा सोशल मीडियावर रंगल्या आहेत.
राधा सागरने एक पोस्ट शेअर केली आहे आणि तिची ही पोस्ट वाचून अभिलाषाचा मालिकेतील प्रवास संपणार की काय? असा प्रश्न चाहत्यांना पडला आहे. राधाने ‘अभिलाषा’ या तिच्या भूमिकेबद्दल भरभरून लिहिलं आहे. तिने लिहिलं, ‘गेल्या काही दिवसातले अभिलाषाचे सीन करताना खूप मजा येतीये, आम्ही सगळेच दिवस रात्र शूट करतोय , असे कॅरेक्टर डेली सोप मध्ये मला साकारायला मिळतंय यात मी खूप समाधानी आहे. मला हे पात्र करायला मिळालंय या साठी मी तुमच्या सगळ्यांची मनापासून आभारी आहे. त्याला न्याय द्यायचा मी प्रयत्न करतीये आणि करत राहीन.तूर्तास एवढेच. माझ्यावर आणि अभिलाषावर असेच प्रेम करत रहा.
राधाच्या या पोस्टनंतर तिचा मालिकेतील प्रवास लवकरच संपणार, असा अंदाज बांधला जातोय. अभिनेत्री राधा सागरने आभाराची पोस्ट लिहिली आहे तेव्हा तिचा या मालिकेतील प्रवास लवकरच संपणार अशी शक्यता असे म्हटले जात आहे. नुकत्याच प्रदर्शित झालेल्या ‘चंद्रमुखी’ या सिनेमात राधाने महत्त्वपूर्ण भूमिका साकारली होती. चंद्राच्या मैत्रिणीची भूमिका तिने साकारली होती.
Marathi TV Serial Sundara Manamadhe Bharli Actress
