‘महाराष्ट्राची हास्यजत्रा’ फेम वनिता खरातने दिली प्रेमाची कबुली; हा आहे तिचा प्रियकर

इंडिया दर्पण ऑनलाईन डेस्क – सध्या सिनेसृष्टीत लग्नाचे दिवस आहेत. अभिनेत्री अक्षया देवधर आणि हार्दिक जोशी लवकरच विवाहबंधनात अडकणार आहेत. काही दिवसांपूर्वीच मराठी अभिनेत्री भाग्यश्री मोटे हिने मोठ्या थाटामाटात साखरपुडा केला आणि याचे अनेक फोटोही सोशल मीडियावर व्हायरल झाले आहेत. त्यानंतर आता ‘महाराष्ट्राची हास्यजत्रा’ फेम अभिनेत्री वनिता खरात हिने प्रेमाची कबुली दिली आहे. तिने सोशल मीडियावर एक पोस्ट शेअर करत याची माहिती चाहत्यांना दिली आहे.

स्वत:च्या अभिनयाने एक वेगळं स्थान निर्माण करणारी हरहुन्नरी अभिनेत्री म्हणून वनिता खरातकडे पाहिले जाते. ‘महाराष्ट्राची हास्यजत्रा’ या कार्यक्रमामुळे ती कायमच चर्चेत असते. शाहिद कपूरच्या ‘कबीर सिंग’ चित्रपटामध्ये तिने साकारलेली भूमिका आजही अनेकांच्या लक्षात आहे. अभिनेत्री होण्यासाठी काही ठरावीक निकष असतात, अशी मान्यता आहे. मात्र, या निकषांना फाटा देत आपल्या अभिनयाच्या जोरावर तिने आपली वेगळी ओळख निर्माण केली आहे. नुकतंच वनिताने सोशल मीडियावर पोस्ट शेअर करत प्रेमाची कबुली दिली आहे.

वनिताने तिच्या बॉयफ्रेंडच्या वाढदिवसाचे औचित्य साधत इन्स्टाग्रामवर त्यांचा एक गोड फोटो शेअर केला आहे. सुमित लोंढे असे वनिताच्या बॉयफ्रेंडचे नाव आहे. या निमित्ताने वनिताने जाहिररित्या प्रेमाबद्दल सांगितले आहे. ‘कुछ तूने सी है मैंने की हैं रफू….ये डोरियां…….हॅप्पी बर्थडे “साथी ” असं कॅप्शन तिने या फोटोला दिले आहे. त्याबरोबरच #milgayahumkosathimilgaya #partner #love #sumeetvani #specialperson #myman #firstphoto असे अनेक हॅशटॅगही तिने दिले आहे. यामुळे ती चर्चेत आली आहे.
तिच्या या पोस्टवर अनेक कलाकारांनी प्रतिक्रिया दिली आहे. अभिनेता समीर चौगुले यांनी त्यांच्या या फोटोवर कमेंट करत त्याला वाढदिवसाच्या शुभेच्छा दिल्या आहेत. तर नम्रता संभेराव हिनेही त्याला वाढदिवसाच्या शुभेच्छा दिल्या असून सुमितनेही त्यावर प्रतिक्रिया दिली आहे. वाढदिवसाच्या शुभेच्छा सुमित, अशी कमेंट नम्रताने केली आहे. त्यावर सुमितने खूप खूप धन्यवाद नमा ताई, अशी प्रतिक्रिया दिली आहे.

ओंकार राऊत याने त्यांच्या या फोटोंवर अनेक कमेंट केल्या आहेत. वाढदिवसाच्या शुभेच्छा सुमित, असे ओंकारने म्हटले आहे. त्यावर सुमितने धन्यवाद असे म्हटले आहे. ओंकारने पहिला फोटो अशीही कमेंट केली आहे. त्यावर सुमितने प्रतिक्रिया देताना फक्त हार्ट इमोजी शेअर केला आहे. वनिताचा बॉयफ्रेंड सुमित लोंढे हा एक व्हिडीओ क्रिएटर आणि ब्लॉगर आहे. सुमितने याआधी वनिताच्या वाढदिवसानिमित्तही एक खास पोस्ट शेअर केली होती. तसेच महाराष्ट्राची हास्यजत्रा या कार्यक्रमातील अनेक मंडळी सुमितला ओळखतात. त्यांचे अनेक फोटोही त्याने शेअर केले आहेत.