इंडिया दर्पण ऑनलाईन डेस्क – मनोरंजन विश्वात सध्या लग्नाचे वारे वाहत आहेत. लिटिल चॅम्प्समधील प्रथमेश आणि मुग्धाने ‘आमचं ठरलंय’ जाहीर केलं, आणि चाहत्यांना चांगलाच आनंद झाला. त्यापाठोपाठ आता मनोरंजन क्षेत्रातील आघाडीची अभिनेत्री आणि गायिका स्वानंदी टिकेकर हिने देखील आपल्या प्रेमाची कबुली दिली. आणि आता तिने आपल्या साखरपुडा हॅश टॅग देऊन फोटो शेअर केले आहेत. त्यामुळे चाहत्यांमध्ये एकच चर्चा रंगली आहे.
स्वानंदीने काही दिवसांपूर्वीच तिच्या प्रेमाची कबुली दिली होती. आता तिने तिच्या साखरपुड्याच्या सुंदर फोटो शेअर केला आहे. ‘आमचं ठरलं’ असं म्हणत ‘दिल दोस्ती दुनियादारी’ फेम स्वानंदी टिकेकर हिनं प्रेमाची जाहीर कबुली दिली. इंडियन आयडॉल फेम गायक आशिष कुलकर्णी याच्याशी स्वानंदीचे सूर जुळले आहेत. तिच्या या घोषणेनंतर तिच्यावर सगळीकडून शुभेच्छांचा वर्षाव होत आहे. आता या दोघांनी आयुष्यात पुढे नेण्याचा निर्णय घेतलाय. स्वानंदी आणि आशिष लवकरच लग्न करणार असून त्यांचा साखरपुडा पार पडला आहे. याचाच एक फोटो स्वानंदीने नुकताच चाहत्यांसोबत शेअर केला आहे.
स्वानंदी आणि आशिषने शुक्रवारी रात्री एक फोटो शेअर केला. यात स्वानंदीच्या हातावर मेहंदी रंगलेली दिसतेय. तर स्वानंदीचा बॉयफ्रेंड तिच्या गालावर किस करतो आहे. स्वानंदी आणि आशिषचा हा फोटो सोशल मिडीयावर तुफान व्हायरल झालाय. या फोटोखाली स्वानंदीने #Engagement #Mehandi असा हॅशटॅग वापरलाय. या फोटोला तिने रोमँटिक कॅप्शन दिले आहे. “आम्हाला जे हवे होतं तेच…”, असे कॅप्शन तिने या फोटोला दिले आहे.
स्वानंदीच्या बॉयफ्रेंडचं नाव आहे आशिष कुलकर्णी. This is US! असं लिहून #आमचं ठरलंय असा हॅशटॅग स्वानंदीने वापरलाय. स्वानंदीचा होणार नवरा आशिष हा एक गायक असून त्याने इंडियन आयडॉलच्या १२ व्या पर्वात भाग घेतला होता. त्यावेळी त्याने प्रेक्षकांची आणि परिक्षकांची वाहवा मिळवली होती.
