पुणे (इंडिया दर्पण वृत्तसेवा) – काही वर्षापूर्वी टि. व्ही. मालीकेमुळे ‘होणार सून मी ह्या घरची’ या मालिकेमुळे घराघरात पोहोचलेला अभिनेता म्हणजे शशांक केतकर हा मराठी मालिका विश्वातील लोकप्रिय अभिनेता म्हणून त्याला ओळखले जाते. काही महिन्यांपूर्वी शशांकने पैसे थकवल्याप्रकरणी आवाज उठवला होता. टीव्ही मालिका असो किंवा सिनेमे यात काम केल्यानंतरही निर्मात्यांकडून मानधन मिळत नसल्याचा मुद्दा गेल्या वर्षात चर्चेत आला असून अनेक मराठी कलाकार यावर व्यक्त झाले आहे, निर्मात्याचं नाव घेत त्यांनी त्यांचा मुद्दा मांडल्याचे म्हटले आहे. अभिनेता शशांक केतकर यांने हा या विषयावर एकदा नव्हे तर अनेकदा पोस्ट शेअर केल्या आहे. आताही त्याची पोस्ट चर्चेत आली आहे.
ठरलेल्या कामाचे, वेळेत पैसे मिळावे, इतकीच कलाकारांची अपेक्षा असते. असे त्याने म्हटले होते. आता पुन्हा एकदा एका निर्मात्याने त्याच्या सिनेमाचं मानधन थकवल्यानं शशांकने त्याचा राग सोशल मीडियावर पोस्ट शेअर करत व्यक्त केला अभिनेता शशांक केतकर हा मराठी अभिनेता शशांक याने आजवर अनेक सिनेमा, मालिका, नाटक व वेबसिरीजमधुन दमदार भुमिका साकारल्या. शशांक सोशल मिडीयावर विविध सामाजिक अन् राजकीय विषयांवर त्याची परखड मत तो शेअर करत असतो. शशांकने नुकतीच एक पोस्ट केली असून एका मराठी निर्मात्याने पैशांची थकबाकी केल्याचा गंभीर आरोप शशांकने केला असून याबाबत उलट सुलट चर्चा सुरू आहे
पोस्टमध्ये म्हटले आहे…
शशांकने नुकतंच फेसबुकवर पोस्ट शेअर केली आहे. त्यात तो म्हणतो,
“मी आणखी एका फसव्या प्रोडक्शन हाऊसबरोबर काम केले आहे. ज्याने मला माझ्या कामाचे X, xx, xxx लाख रुपये देण्याचे वचन दिले होते आणि त्यांनी दिलेले काम मी त्यांच्या अपेक्षेनुसार पूर्ण केले आहे…. (डबिंग वगळता)
गेल्या अनेक महिन्यांपासून मी या फसव्या प्रोडक्शन हाऊसबद्दल पाठपुरावा करत आहे आणि ते लोक मला प्रत्येकवेळी फक्त विविध कारणं देत आहेत. मी एका मराठी चित्रपटाबद्दल बोलत आहे, ज्यात सिनेसृष्टीतील अनेक मोठ्या कलाकारांनी काम केले आहे. त्या मोठ्या कलाकारांना त्यांच्या देय रकमेची वाजवी टक्केवारी आधीच देण्यात आली आहे. पण मला आणि त्याच टीममधील इतर अनेकांना २० टक्के रक्कमही मिळालेली नाही.
माझ्या आणि निर्मात्यांमध्ये झालेल्या संवादाचे सर्व तपशील योग्य वेळी न्यूज आणि मीडिया चॅनेलशी शेअर केले जातील.
गमतीचा भाग हा आहे की एखाद्याकडे अॅक्टिंग स्किल्स नसतील तर त्याला आपण अभिनेता म्हणत नाही… मग ज्याच्याकडे पैसा नाही त्याला प्रोड्युसर का म्हणतो आपण”, असे शशांक केतकरने या पोस्टमध्ये म्हटले आहे.
Marathi Actress Shashank Ketkar Post Payment
Social Media Entertainment
