इंडिया दर्पण ऑनलाईन डेस्क – मनोरंजन विश्वातील कलाकार हे त्यांच्या चाहत्यांच्या अत्यंत जवळचे असतात. त्यांच्या प्रत्येक व्यावसायिक आणि खासगी आयुष्यातील अपडेट्स त्यांच्या चाहत्यांना असतात. त्यामुळेच या कलाकारांना ते सामाजिक भान पाळावे लागते. याशिवाय हे कलाकार त्यांच्या खऱ्या आयुष्यात कसे वागतात यावरही त्यांच्या चाहत्यांचे लक्ष असते. त्यामुळेच एखाद्या कलाकाराने केलेल्या चांगल्या गोष्टीचे प्रेक्षक, चाहते तोंड भरून कौतुक करतात आणि कलाकार चुकला तर त्याला सोशल मीडियावर सुनावतात देखील. असेच काहीसे या अभिनेत्रीबाबत घडले आहे.
छोट्या पडद्यावरील कलाकार अभिनेत्री अश्विनी महांगडे ही स्टार प्रवाह वाहिनीवरील ‘आई कुठे काय करते’ या लोकप्रिय मालिकेत काम करते. मालिकेतील अनघा हे पात्र अभिनेत्री अश्विनी महांगडे साकारते आहे. अश्विनी महांगडे सोशल मीडियावर खूप सक्रिय असून ती फोटो, व्हिडीओ शेअर करत असते. तिने नुकताच एक व्हिडीओ शेअर केला असून तो खूप व्हायरल होतो आहे. या व्हिडीओवरून अश्विनी प्रेक्षक आणि तिच्या चाहत्यांमध्ये अजूनच लोकप्रिय झाली आहे. यावरून तिचे कौतुक होत आहे.
या व्हिडिओमध्ये अश्विनी शेतात काम करताना दिसत आहे. ज्वारी काढण्याचं काम सुरू आहे आणि तिथे ती ज्वारीची कणसं मशिनमध्ये टाकून नंतर पोत्यात भरण्यासाठी मदत करताना दिसते आहे. या व्हिडिओसोबत तिने एक कॅप्शनही टाकलं आहे. “रात दिस मेहनत करी, खाई कष्टाची भाकरी, पोसतो ही दुनिया सारी, माझा बाप शेतकरी. जगाचा पोशिंदा : बळीराजा कोणताच राजकारणी किंवा यंत्रणा शेतकर्‍याला जगवत नसते तर शेतकरीच या सर्वांना जगवत असतो आणि हेच ऊन, वारा पावसासारखे शाश्वत सत्य आहे.
ईडा पीडा टळू दे आणि बळीचे राज्य येऊ दे.
मी घातलेला शर्ट माझ्या वडिलांचा (नानांचा) आहे. नानांची मायेची ऊब, आम्हा सगळ्यांचे ऊन, वारा, पाऊस, आलेली संकटं यापासून कायम रक्षण केले त्याची जाणीव मनात कायम आहे,”
असं कॅप्शन अश्विनीने हा व्हिडीओ शेअर करताना दिले आहे.
हा व्हिडीओ चांगलाच व्हायरल होतो आहे. नेटकर्यांनी तिच्यावर कमेंटचा पाऊस पाडला आहे. आदर्श आहात ताई तुम्ही… त्या सर्वांसाठी, जे थोडीशी हवा लागताच आपली माती, आपली संस्कृती विसरतात… शेतकरी राजाला त्याचा हक्काचा मान,’ ‘ही असतात शेतकऱ्यांची पोरं/पोरी.. कितीही मोठे झाले तरी मातीशी नाळ कायम,” एका युझरने किती पोटी झाली असा प्रश्न विचारला त्यावर दिलखुलासपणे साडेतीन पोटी असं उत्तर देखील अश्विनीने दिलं आहे. तुझ्यासारखी सेलिब्रिटी आम्ही पहिली नाही, हिच्यात जराही इगो नाही सगळ्यांना तू समजून आपलंस करून घेतेस ताई अशा प्रकारच्या कमेंट्स तिच्या या व्हिडीओवर चाहत्यांनी केल्या आहेत.
Marathi actress Ashwini Mahangade Farm Video Viral
