नाशिक (इंडिया दर्पण वृत्तसेवा) : मनसेने १३ उमेदवारांची तिसरी यादी जाहीर केली आहे. या यादीत नाशिक पश्चिम मधून दिनकर पाटील यांना उमेदवारी देण्यात आली आहे. भाजपचे माजी नगरसेवक दिनकर पाटील हे बंड करुन मनसे कडून उमेदवारी करणार असल्याची चर्चा होती. ती आज खरी ठरली. त्यांनी आज मनसेत प्रवेश केला व त्यांना उमेदवारी देण्यात आली.
भारतीय जनता पक्षाने महाराष्ट्र विधानसभा निवडणुकीसाठी पहिली ९९ उमेदवारांची यादी रविवारी जाहीर केली. या यादीत नाशिक पश्चिममधून विद्यमान आमदार सीमा हिरे यांना उमेदवारी जाहीर केल्यानंतर त्यांनी हा निर्णय घेतला आहे.
कालच त्यांनी निर्धार मेळावा घेतल्यानंतर आज ते मनसेकडून उमेदवारी करण्याचा निर्णय़ घेतला असल्याचे सांगण्यात आले होते. त्यानंतर मनसेने आपली तिसरी यादी जाहीर केली. त्या यादीत दिनकर पाटील यांचे नावे पुढे आले आहे.
