नाशिक (इंडिया दर्पण वृत्तसेवा) – मनमाड मधील जुन्या पिढीतील प्रसिध्द डॅाक्टर, राष्ट्रीय शिक्षण संस्थेच्या इंडियन हायस्कुलचे पदाधिकारी डॅा. विद्याधर मालते यांचे आज पुणे येथे निधन झाले.
मनमाड शहरात आपल्या वैद्यकिय सेवेमुळे ते प्रसिध्द होते. ही सेवा करत असतांना त्यांनी सामाजिक, शैक्षणिक व सांस्कृतिक क्षेत्रातही योगदान दिले. ते रोटरीचे माजी अध्यक्ष, त्याचप्रमाणे सार्वजनिक वाचनालयाचे पदाधिकारी होते.
शहरात सामाजिक जाण असणारे डॅाक्टर म्हणून त्यांची ओळख होती. ते बिनधास्तपणे व परखडपणे आपली मते मांडत.
