मनमाड (इंडिया दर्पण वृत्तसेवा) – भयमुक्त नांदगाव प्रगत नांदगावसाठी उमेदवारी करत असलेले लोकप्रिय अपक्ष उमेदवार माजी खासदार समीर भुजबळ यांच्या प्रचारार्थ त्यांच्या प्रमुख उपस्थितीत मनमाड शहरात भव्य रॅली काढण्यात येणार आहे. या रॅलीसाठी नागरिकांनी बहुसंख्येने उपस्थित राहावे असे आवाहन दिपक गोगड यांनी केले आहे.
अपक्ष उमेदवार समीर भुजबळ यांच्या प्रचारार्थ रविवार दि.१० नोव्हेंबर रोजी मनमाड शहरात सकाळी १०.३० वाजता रॅलीला सुरुवात होणार आहे. समीर भुजबळ हे सकाळी १०.३० वाजता भारतरत्न डॉ.बाबासाहेब आंबेडकर पुतळ्यास अभिवादन करून रॅलीला सुरुवात करणार आहे. त्यानंतर समीर भुजबळ यांच्यासह प्रमुख उपस्थित जनसमुदायाला संबोधित करतील. त्यानंतर रॅली पुढे मार्गस्थ होऊन एकात्मता चौक नुक्कड पान स्टॉल चौकातून पुढे महात्मा गांधी यांच्या पुतळ्याला अभिवादन करणार आहे.
त्यानंतर भाग्यलक्ष्मी बँकेसमोरून रॅली महालक्ष्मी चौकातून रॅली पुढे जाईल. याठिकाणी लोकशाहीर अण्णाभाऊ साठेंच्या पुतळ्याला ते अभिवादन करतील. पुढे महालक्ष्मी चौक – तेली गल्ली -नीलमणी गणेश मंदिर सराफ बाजार – सरदार पटेल रोड हून छ. शिवाजी महाराज चौक येथे रॅली आल्यानंतर ते छत्रपती शिवाजी महाराज यांना विनम्र अभिवादन करतील.
त्यानंतर इंडियन हायस्कूल रस्त्याने दादासाहेब गायकवाड चौक – बावन नंबर येथे रॅली पोहचून क्रांतीसुर्य महात्मा जोतीराव फुले यांच्या पुतळ्यास अभिवादन करण्यात येईल. तेथून महात्मा फुले पुतळा, भगतसिंग मैदान रस्ता, नेहरू भवन
चौक, सुभाष रोड मार्गे जैन मंदिर, छत्रपती शिवाजी महाराज चौक मार्गे भारत जनरल स्टोअर रस्त्याने राम मंदिरकडे रॅली मार्गस्थ होईल. त्यानंतर शेवटी डॉ. बाबासाहेब आंबेडकर पुतळा, तुफान चौक येथे रॅलीचा समारोप होईल. या रॅलीसाठी नागरिकांनी बहुसंख्येने उपस्थित राहावे असे आवाहन दिपक गोगड यांनी केले आहे.
