मनमाड (इंडिया दर्पण वृत्तसेवा )- शहरातील वसंत हौसिंग सोसायटी मधील पंजाब हॅाटेलचे मालक गुरुदीपसिंग कांत यांच्या बंगल्यातील नारळाच्या झाडावर वीज पडल्याने नारळाच्या झाडाने पेट घेतला, शहरात रात्री आठ ते साडे आठ वाजेच्या दरम्यान अचानक विजांचा कडकडाटासह जोरदार पावसाने हजेरी लावली. त्यानंतर १५ ते २० मिनिट झालेल्या जोरदार पावसाने वीजपुरवठा खंडित झाला होता. दरम्यान जिल्ह्यातील चांदवड, येवला, कळवण येथे सायंकाळी हलक्या स्वरूपाची गारपीट व पाऊस झाल्याने पिकांचे मोठे नुकसान झाल्याची भीती व्यक्त करण्यात येत आहे.
