मनमाड – मनमाड शहरात कोरोना प्रतिबंधात्मक लसीकरण मोहिमेत आरोग्य प्रशासन करत असलेल्या बेजबाबदारपणा व हलगर्जीपणा बाबत मनमाड शहर भाजपाने आक्रमक भूमिका घेतली असून याबाबत भाजप नासिक जिल्हा उपाध्यक्ष नितीन पांडे, भाजपा मनमाड शहर अध्यक्ष जयकुमार फुलवाणी, वाल्मिकी महासंघाचे राष्ट्रीय उपाध्यक्ष राजाभाऊ पवार ,भाजप व्यापारी आघाडी चे जिल्हा उपाध्यक्ष सचिन संघवी ,व्यापारी आघाडी जिल्हा सरचिटणीस सचिन लुणावत,मनमाड शहर भाजप सरचिटणीस एकनाथ बोडखे यांचे नेतृत्वामध्ये मनमाड ग्रामीण उपजिल्हा रुग्णालयाचे मुख्य डॉक्टर बी.जे.गोरे यांना भाजपा मनमाड शहर मंडल च्या वतीने आज लसीकरण मोहिमे बाबत सुधारणा करणे बाबतीत मागणी,व आंदोलन च्या इशाराबाबत निवेदन देण्यात आले.
पाच महिने पूर्वी जानेवारी 2021 ला सुरू झालेल्या या लसीकरण मोहिमेत आरोग्य प्रशासन ने बेजबाबदारपणे हलगर्जीपणा केल्याचा आरोप शहर भाजपाचे वतीने करण्यात आला आहे. साडे चार महिन्यांत एक लाख पन्नास हजार लोकवस्ती च्या मनमाड शहरातील १० टक्के नागरिकांना लसीकरण करण्यात हे प्रशासन अपयशी ठरले चे म्हटले आहे त्यामुळे गत दोन महिन्यात मनमाड शहरातील कोरोना संकटची परिस्थिती अत्यंत गंभीर झाली कोरोना रुग्णाची संख्या अत्यंत वेगाने वाढली आणि या अनेक निरपराध नागरिकांना आपले प्राण गमवावे लागले आता गेल्या १६ एप्रिल पासून मनमाड शहरात सुरू असलेल्या लॉकडाउन मुळे परिस्थिती नियंत्रणात येत आहे कोरोना संकटात प्रतिबंधात्मक लसीकरण हाच प्रभावी उपाय असतांना मनमाड येथील लसीकरण मोहिमे बाबतीत आरोग्य प्रशासन अजिबात गंभीर नाही, म्हणून मनमाड शहर भाजपचे वतीने खालील पाच प्रमुख मागण्या करण्यात येत आहेत
1) मनमाड शहराची लोकसंख्या व भौगोलिक रचना पहाता शहरातील विविध पाच पेक्षा जास्त ठिकाणी लसीकरण केद्र त्वरित सुरु करण्यात यावे जेणे करून लसीकरण साठी ची गर्दी टाळता येईल या नव्या लसीकरण केंद्रसाठी शासकीय कार्यालये शाळा,कॉलेज ,खाजगी रुग्णालय यांचा वापर करण्यात यावा
2) शहरातील जेष्ठ नागरिक आणि दुसऱ्या डोस लसीकरण साठी वेगळे केद्र असावे
3)18 ते 44 वयोगटातील नागरिकांन साठी वेगळे लसीकरण केंद्र असावे
4) लसीकरण नोंदणी व माहिती साठी आपले उपजिल्हा रुग्णालयात स्वतंत्र कक्ष निर्माण करण्यात येऊन त्या ठिकाणी पूर्ण वेळ कर्मचाऱ्यांची नेमणूक करण्यात यावी
5) मनमाड शहरातील सर्व पक्ष ,संघटना, सामाजिक संस्था यांचा सहयोग घेऊन लसीकरण मोहिमे बाबतीत मनमाड शहरात प्रबोधन करण्यात यावे
6) लसीकरण बाबत सोशल मीडियावर कोणत्या तारखेला कोणत्या पहिला डोस घेणाऱ्या नागरिकांनी दुसरा डोस घ्यावयाचा आहे याबाबत स्पष्टीकरण दररोज देण्यात यावे मनमाड शहराला कोरोना संकट मुक्त करणे साठी मनमाड शहर भाजपचे वतीने लसीकरण मोहिमे बाबत च्या करण्यात आलेल्या मागण्या त्वरित पूर्ण कराव्यात अन्यथा आरोग्य प्रशासन च्या या हलगर्जीपणा विरोधात नाईलाजाने मनमाड शहर भाजपा तीव्र व आक्रमक स्वरूपाचे आंदोलन करेल असा इशारा या निवेदनात देण्यात आला आहे या निवेदनाची प्रत माहिती साठी तालुका आरोग्य अधिकारी डॉ अशोक ससाणे, आणि मनमाड नगर पालिका चे मुख्याधिकारी विजयकुमार मुंढे यांना ही देण्यात आली आहे
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
