इंडिया दर्पण ऑनलाईन डेस्क – गेल्या साडेतीन महिन्यांपासून मणिपूर राज्यांमध्ये मैतेई आणि कुकी या दोन समाजामध्ये आरक्षणाच्या प्रश्नावरून मोठा हिंसाचार उसळला आहे. यामध्ये हजारो घरांची जाळपोळ झाली असून शेकडा नागरिक मारले गेले आहेत. परंतु याहीपेक्षा अत्यंत भयानक आणि अमानवीय घटना म्हणजे महिलांवरील अत्याचार होय, दोन समाजातील द्वेषातून आता महिलांचा मात्र प्रचंड शारीरिक छळ होत आहे. काही दिवसांपूर्वी दोन महिला नग्न करून धिंड काढण्यात आल्याने संपूर्ण देशभर संतापाची लाट उसळली होती. आता पुन्हा एकदा असेच एक प्रकरण समोर आले असून सुमारे तीन महिन्यांपूर्वी एका संतप्त गटाने दुसऱ्या समाजातील एका महिलेला नग्न करून तिच्या सामूहिक बलात्कार केल्याची घटना उघडकीस आल्याने मोठी खळबळ उडाली आहे. या महिलेने या संदर्भात पोलिसांकडे तक्रार दाखल केली असून आरोपींचा शोध घेणे सुरू आहे.
जीव वाचवण्यासाठी ती…
मे महिन्यांपासून मणिपूरमध्ये हा जातीय हिंसाचार उफाळला आहे. मणिपूरमधून दररोज महिलांवरील अत्याचाराच्या अनेक घटना समोर येत आहेत. मणिपूरमध्ये मे महिन्याच्या सुरुवातीला जातीय संघर्ष सुरू झाल्यानंतर चुरचंदपूर येथील एक ३७ वर्षीय महिलेच्या घराला एका संतप्त जमावणे आग लावली तेव्हा या आपल्या घरातून सुरक्षित ठिकाणी जाण्याचा ती प्रयत्न करत होती. सुमारे एक किलोमीटर पळत गेल्यानंतर ती पळत असताना खाली पडली त्याच वेळी तिच्या मागे लागलेल्या कुकी समुदायाच्या एका गटाने तिला आडवून तिच्यावर सामूहिक बलात्कार केला. ही महिला आपला जीव वाचवण्यासाठी पळत होती परंतु अविचारी आणि सैतान झालेले माणसांनी तिला अडवले. तिचे कपडे फाडले. तिला नग्न करून तिच्यावर सामूहिक बलात्कार केला. याप्रकरणी पिडीत महिलेने तक्रार दाखल केली. दरम्यान या प्रकरणी मैतेई समुदायाच्या महिलांनी मशाल मोर्चा काढत आरोपीला कठोर शिक्षा करण्याची मागणी केली आहे.
मारहाण करीत…
या अमानुष घटनेसंदर्शन पीडितेने पोलिसांना दिलेल्या तक्रारीनुसार, गावामध्ये एका समुदायाकडून घरांची जाळपोळ सुरू होती तो भयानक दिवस ३ मे हा होता, संध्याकाळी साडेसहाच्या सुमारास कुकी समुदायाच्या या गटाने अनेक घरांना आग लावली. यामध्ये पीडितेच्या घराचाही समावेश होता. ही जाळपोळीची घटना घडत असताना पीडितेनं आपली भाची, दोन मुले आणि वहिनींसह पळून जाण्याचा प्रयत्न केला. सुमारे १ किलोमीटर अंतर धावल्यानंतर ती अडखळली आणि खाली पडली. मात्र तोपर्यंत पीडितेची वहिनी मुलांसह सुरक्षित ठिकाणी जोरात धावत गेली. पण पीडितेला पाच ते सहा हल्लेखोरांनी आडवले. ती महिला जिवाच्या कंपन्या आरडाओरडा करत होती परंतु तिचा आवाज कोणापर्यंतही पोहोचला नाही. मदतीसाठी कोणीही धावून आले नाही, तसेच तिने हल्लेखोरांचा प्रतिकार करण्याचा प्रयत्न केला. पण नराधमांनी तिला मारहाण करत तिच्यावर क्रूरपणे सामुहिक बलात्कार केला. इतकेच नव्हे तर आणखी काही कुकी समुदायाचे हल्लेखोर या अत्याचारात सामील झाले. या प्रकारानंतर त्यामुळे ती महिला बेशुद्ध पडली. जेव्हा शुद्धीवर आली तेव्हा आपल्या मैतेई समुदायाच्या घरात होती, याप्रकरणी गुन्हा दाखल करण्यात आला असून पोलीस पुढील तपास करत आहेत.
Manipur Crime Women Naked Gang Rape Kuki mob
Violence Northeast
