मुकुंद बाविस्कर, इंडिया दर्पण वृत्तसेवा
दरवर्षी उन्हाळा आला की, सगळीकडे आपल्या आंबे दिसू लागतात. आंबे सर्वांनाच आवडतात, काही नागरिकांसाठी आंब्याशिवाय उन्हाळा अपूर्ण वाटत असतो. आंबा केवळ चवीसाठी नाही तर आरोग्यासाठीही फायदेशीर आहे. हे लक्षात घेण्यासारखे आहे की, प्रत्येकजण आंबा मोठ्या उत्साहाने खातो आणि खाल्ल्यानंतर लगेचच त्याच्या कोयी कचऱ्यात टाकतात. परंतु आंब्यासोबतच त्याच्या कोयीही खूप फायदेशीर आहेत. आंब्यामध्ये अनेक प्रकारचे पोषक घटक आढळतात, ते शरीराला अनेक रोगांशी लढण्यास मदत करतात. जाणून घेऊ या आंब्याच्या कोयीचे फायदे…
आंब्याची कोय ही हृदयविकाराचा धोका कमी करण्यास मदत करतात. यासाठी आंब्याच्या कोयीच्या पावडरचे सेवन फायदेशीर ठरू शकते.
रोज पोट बिघडण्याच्या समस्येतून जावे लागते. डायरियाच्या समस्येपासून आराम मिळवण्यासाठी आंब्याच्या कोयी उपयुक्त ठरू शकतात. पोट बिघडल्यास आंब्याची कोय वाळवून पावडर बनवा आणि एक चमचा पाण्यासोबत घ्या.
आंब्याची कोय कोलेस्ट्रॉलची पातळी राखण्यासाठी उपयुक्त आहेत. कोयीची पावडर कोलेस्ट्रॉलची पातळी कमी करण्यास मदत करते.
आंब्याच्या कोयीची पावडरने सकाळ-संध्याकाळ दात घासल्याने दात मजबूत होतात. याशिवाय जेव्हा दातांमधून रक्त यायला लागते, येते तेव्हा आंब्याची पावडर मदत करू शकते.
महिलांसाठी मासिक पाळीतील ४ ते ५ दिवस खूप कठीण असतात. प्रत्येकाला वेगवेगळ्या समस्यांना तोंड द्यावे लागते. काही महिलांना खूप रक्तस्त्राव होतो, अशा परिस्थितीत आंब्याच्या कोयीची पूड मदत करू शकते. याशिवाय दुखण्यापासूनही आराम मिळतो.
आंब्यामध्ये प्रथिने, फायबर आणि अँटीऑक्सिडंट्स भरपूर असतात. वजन नियंत्रणासाठी आंब्याच्या कोयीची पावडर खूप फायदेशीर ठरते. यामध्ये असलेल्या फायबरमुळे पोट भरले जाते आणि वारंवार भूक लागत नाही.
