अजय सोनवणे, इंडिया दर्पण वृत्तसेवा
मालेगाव शहरातील भायगाव शिवारातील संविधान नगर येथील विजय बागूल या तरुणावर दोघा अज्ञात व्यक्तीनी पाच दिवसापुर्वी डोक्यात हॉकी स्टिक सारख्या वस्तूने मारहाण केल्याने त्यात तो गंभीर जखमी झाला होता. प्राथमिक उपचारानंतर त्याला तातडीने नाशिक येथे खासगी रुग्णालयात उपचारासाठी दाखल करण्यात आले. आज उपचारादरम्यान त्याचा मृत्यू झाल्याने संविधान नगरमध्ये शोककळा पसरली, मृत विजय याच्या मारेक-यांना तातडीने अटक करावी अशी मागणी परिसरातील संतप्त नागरीकांनी केली आहे.
