मालेगाव (इंडिया दर्पण वृत्तसेवा) – येथील पवारवाडी पोलिसांनी अजमेर येथून धारदार तलवारी, कुकरी,गुप्त्या असा शस्त्र साठा जप्त केला आहे. अजमेर येथून हा शस्त्र साठा येणार असल्याची गुप्त माहिती मिळताच पवारवाडी पोलिसांनी म्हाळदे शिवारातील ब्रीज जवळ सापळा रचत परवेज आलम जमालुद्दीन या १९ वर्षीय तरुणाला ताब्यात घेतले. त्यानंतर त्याच्या जवळील ८ तलवारी,५ कुकरी, ८ गुप्त्या, १० रॅम्बो चाकू अशी वेगवेगळी हत्यार जप्त केला असून पोलिस अधिक तपास करीत आहे.
