अजय सोनवणे, इंडिया दर्पण वृत्तसेवा
मालेगाव तालुक्यातील टोकडे विविध कार्यकारी सह. सोसायटीच्या चेअरमन व व्हा, चेअरमन पदाची निवडणूक संपन्न झाली. चेअरमन म्हणून मदन सिताराम डिंगर व व्हा. चेअरमनपदी सुकदेव मांगीलाल ठाकरे यांची बिनविरोध निवड करण्यात आली. भाजपाचे युवानेते डॉ. अव्दैय आबा हिरे-पाटील यांच्या मार्गदर्शनाखाली ही निवड झाली. चेअरमन, व्हा. चेअरमन पदाच्या निवडप्रसंगी टोकडे विविध कार्यकारी सह. सोसायटी टोकडेचे सर्वश्री. गणेश दशरथ द्यानद्यान, भगवान लुकडू द्यानद्यान, रविंद्र धोंडु कव्हाड, भाईदास देवसिंग झाजडा, समाधान जव्हारसिंग डिंगर, विठोबा दत्तू सुमराव, मिराबाई पंडित सुमराव, आशाबाई प्रकाश डिंगर, दिगंबर गंजीघर पगार, जगन भिमा मार्कंड आदि संचालक उपस्थित होते. ही निवडणूक उपनिबंधक, सहकारी संस्था, मालेगांव यांचे कार्यालयात संपन्न झाली. नवनिर्वाचीत चेअरमन, व्हा.चेअरमन यांचे भाजपा युवानेते मा. डॉ. अद्वयआबा हिरे पाटील, लकीदादा खैरनार यांनी अभिनंदन केले.
