मालेगाव- प्रभाग क्र १ च्या निवडणुकीत भाजपचे भरत बागुल यांनी ऐनवेळी माघार घेतल्यामुळे शिवसेनेच्या सौ. कल्पना वाघ यांची बिनविरोध निवड करण्यात आली. राज्याचे कृषिमंत्री दादाजी भुसे यांनी कल्पना वाघ यांना दुसऱ्यांदा संधी दिली व यावेळीही त्या निवडून आल्यात. त्यामुळे वाघ यांनी भुसे यांचे आभार मानले.
महानगरपालिकेच्या प्रभाग सभापतींची निवडणूक निवडणूक निर्णय अधिकारी तथा जिल्हाधिकारी सूरज मांढरे, मनपा आयुक्त भालचंद्र गोसावी, नगरसचिव श्याम बुरकुल यांच्या उपस्थितीत दुरदृष्य प्रणालीद्वारे पार पडली. त्यात ही निवड झाली. या निवडीनंतर शिवसेनेचे उपमहापौर निलेश आहेर, स्थायी समिती सभापती राजाराम जाधव, सखाराम घोडके,नगरसेवक जयप्रकाश बच्छाव, नगरसेविका ज्योती भोसले, जिजाबाई पवार, पुष्पा गंगावणे, प्रतिभा पवार, आशा अहिरे, जिजाबाई बच्छाव यांनी वाघ यांचे अभिनंदन केले. याप्रसंगी शिवसेना पक्ष कार्यालयाच्या वतीने सभापती कल्पना वाघ यांचा सत्कार व त्यांच्या भावी वाटचालीस शुभेच्छा देण्यात आल्यात. यावेळी कार्यालय संपर्कप्रमुख प्रमोद शुक्ला, युवासेना महाराष्ट्र राज्य विस्तारक अविष्कार भुसे, मनोहर बच्छाव, भीमा भडांगे, विनोद वाघ, राजेश गंगावणे, पप्पू पवार, प्रकाश अहिरे आदी शिवसेनेचे पदाधिकारी व कार्यकर्ते उपस्थित होते
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
