मालेगाव – ओबीसी आरक्षणासाठी मालेगाव भाजपातर्फे आज चाळीसगाव फाटा येथे रास्ता रोको (चक्का जाम) आंदोलन करण्यात आले. या प्रसंगी माजी पर्यटनमंत्री आ.जयकुमारजी रावल, भाजपा गटनेते सुनिल (आबा) गायकवाड, भाजपा मालेगाव जिल्हाप्रभारी शशिकांतजी वाणी, भाजपा उत्तर महाराष्ट्र व्यापारी आघाडी प्रमुख नितीनजी पोफळेओबीसी आघाडीचे प्रदेश उपाध्यक्ष दिपक पवार, भाजपा शहराध्यक्ष मदन (बापू) गायकवाड, माजी जिल्हाध्यक्ष विवेक वारूळे, निमगाव मंडल अध्यक्ष दिपकजी देसले, ओबीसी आघाडीचे शहरअध्यक्ष कुशाभाऊ आहिरे, युवानेते दिपक गायकवाड, यांच्यासह भाजपा पदाधिकारी, कार्यकर्ते, ओबीसी घटकातील सर्व समाज बांधव मोठ्या संख्यने आंदोलनात सहभागी झाले होते.
यावेळी ओबीसी राजकीय आरक्षण सुप्रीम कोर्टाने रद्द केल्याने ओबीसी समाजावर मोठा अन्याय झाला आहे. आरक्षण वाचविण्यात महाराष्ट्र सरकार सपशेल अपयशी ठरलं आहे एक वर्षाच्या मुदतीत ओबीसी समाजाची जनगणना करण्याचे आदेश असताना या निष्क्रिय सरकारने गंभीर दुर्लक्ष केल्यामुळे आज राजकीयदृष्ट्या मोठा आघात ओबीसी समाजावर झालेला आहे. सरकारच डोकं ठिकाणावर आणण्यासाठी हे आंदोलन करण्यात आल्याचे आंदोलनकांनी सांगितले.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
