नाशिक (इंडिया दर्पण वृत्तसेवा) – नाशिक जिल्हा होमगार्डस् मधील मालेगाव पथकाचे समादेशक अधिकारी अय्युबखान अहमदखान पठाण स.क्र. १५९६८, कंपनी नायक यांना १५ ऑगस्ट २०२३ स्वातंत्र्य दिनानिमित्त होमगार्ड व नागरी संरक्षण दलात विशेष व उल्लेखनीय कामगिरी केल्याबद्दल महामहिम राष्ट्रपती पदक घोषित करण्यात आले आहे.
अय्युबखान अहमदखान पठाण हे १९९२ सालापासून होमगार्ड संघटनेत कार्यरत असुन त्यांनी या संघटनेत दिलेल्या दिर्घ सेवेचे योगदान व संघटनेच्या माध्यमातून सामाजिक व राष्ट्रीय कार्ये केलेली आहेत. या विशेष व उल्लेखनीय केलेल्या कामांचे मुल्यांकन होवून त्यांना हे पदक जाहिर करण्यात आले आहे.
पठाण यांना महामहिम राष्ट्रपती पदक घोषित झाल्याबद्दल महासमादेशक भुषण कुमार उपाध्याय, होमगार्ड, महाराष्ट्र राज्य, मुंबई उपमहासामदेशक प्रभातकुमार, अपर पोलीस अधीक्षक तथा जिल्हा समादेशक होमगार्ड नाशिक माधुरी केदार-कांगणे, जिल्ह्यातील होमगार्डस् चे सर्व समादेशक अधिकारी, सर्व मानसेवी अधिकारी व कर्मचारी वृंद यांनी अभिनंदन केले आहे.
President's Medal awarded to Ayub Khan Ahmed Khan Pathan Malegaon Home Guard
